महाराष्ट्रासह भारताला काका-पुतण्याचे बंड नवीन नाही. पण आता हे लोण थेट इराणपर्यत पोहचले आहे. येथे जशी काकाविरोधात पुतण्याने बंडाळी केल्याचे उदाहरणं आहेत. तसाच बंडा झेंडा इराणचा सर्वोच्च नेता अयातुल्ला अली खामेनी याच्या पुतण्याने फडकावला आहे. ‘इस्लामिक प्रजासत्ताक जोपर्यंत नष्ट होणार नाही, तोपर्यंत या भागात शांतता नांदणार नाही. ही हुकूमशाही नष्ट करा’ असे आवाहन महमूद मोरदखानी यांनी केले आहे. त्यामुळे अमेरिका आणि इस्त्रायलने अर्धी लढाई अगोदरच जिंकल्याचे मानण्यात येत आहे. काय आहे इराणमधील अपडेट?

सुधरत नसतील तर नष्ट करा

इस्त्रायलसोबत जो लष्करी संघर्ष सुरू आहे तो दुर्भाग्यपूर्ण आहे. जो ही हे सरकार, (आयातुल्ला अली खामेनी) संपवले, नष्ट करेल, ते गरजेचे आहे. जर आपण येथेपर्यंत आलाच आहात तर ते नष्टच करा. ते जर सुधारत नसतील. ते जर स्वत: बदल घडवून आणत नसतील, अटी मान्य करत नसतील तर ते राज्य नष्ट करा, असे आवाहन मोरदखानी यांनी केले आहे. 1986 पासून मोरदखानी हे इराण बाहेर आहेत. ते सातत्याने त्याच्या काकाच्या निरंकुश हुकूमशाहीविरोधात आवाज उठवत आहेत. त्यांनी वृत्तसंस्था रॉयटर्सशी बोलताना या परिसरातील शांततेसाठी हे इस्लामिक गणराज्य नष्ट करण्याची विनंती केली आहे.

हे इस्लामी राज्य नष्ट करा -मोरदखानी

खामेनी यांच्या हत्येनंतर सरकार खरंच लागलीच संपेल का? हा वेगळा प्रश्न आहे. या गोष्टी इथपर्यंत पोहचतील याचं मला तीव्र दु:ख होत आहे, असे मोरदखानी म्हणाले. पण सध्याच्या घडामोडींमुळे इराणमधील मोठा जनसमूदाय आनंदीत आहे. हे सरकार कमकुवत झाल्याने ते खूष आहेत, असा दावा मोरदखानी यांनी केला. हे जितक्या लवकर संपेल, तितके चांगले. इस्लामिक प्रजासत्ताक जितक्या लवकर नष्ट होईल तितके चांगले. माझे असे मत आहे की, ही निरंकुश सत्ता उलथून टाका. असे मोरदखानी म्हमाले.

लगेचच खामेनाला ठार करणार नाही

अमेरिकेचे राष्ट्राध्यक्ष डोनाल्ड ट्रम्प यांनी सोशल मीडियावर इराणला विनाअट शरणागती पत्कारण्याचे आवाहन दिले आहे. त्यांनी सामोपचाराने हे युद्ध थांबवण्याचे आवाहन केले आहे. अयातुल्ला खामेनी कुठे लपले आहेत हे आम्हाला पक्कं ठाऊक आहे, पण आम्ही त्यांना आताच ठार करणार नाही, असे ट्रम्प म्हणाले. इराणच्या अणू प्रकल्पांना लक्ष्य करण्यासाठी त्यांनी खासगी परवानगी दिली आहे. पण अद्याप कोणताही अंतिम आदेश दिलेला नाही.