Maharashtra Live News Update: नालासोपाराच्या एकाच संस्थेच्या दोन शाळांना बॉम्ब ने उडून देण्याची धमकी

नालासोपाराच्या श्रीपस्था येथील दोन शाळांना उडवून देण्याची धमकी

आज सकाळी ४ वाजून २६ मिनिटाने हा मेल शाळेला आला आहे.

राहुल इंटरनॅशनल स्कूल, आणि मदर मेरी जूनियर्स कॉलेजला धमकीचा मेल आला आहे.

शाळेच्या ठिकाणी पालिकेचे अग्निशमन पथक, तसेच पोलिस प्रशासन घटनास्थळी दाखल

शाळेने सुरक्षेतेच्या दृष्टिकोनातून सर्व शाळकरी मुलांना घरी पाठवून इमारती खाली केल्या आहेत.

विजय वडेट्टीवार, कॉंग्रेसतीन पक्षात प्रचंड तणाव पाहायला मिळत आहे.. शिंदेंचा अजित दादांच्या खात्यावर डोळा आहे. अजितदादा मात्र कानात बोळा घालून बसलेले आहेत, त्यांना ऐकू येत नाही. विजय वडेट्टीवार, कॉंग्रेसशेतकऱ्यांना कर्जमाफीचा आश्वासन दिले ते पूर्ण झालं नाही हा शेतकरी प्रचंड संकटात आहे. विदर्भातील 58% शेतकऱ्यांना कर्ज मिळालं नाही. जुनं कर्ज भरण्याची सक्ती बँकेकडून केली जात आहे. धान उत्पादक जिल्ह्यात धान्याला बोनसची घोषणा केली. खरिपाच्या हंगामात घोषणा करून नव्याने खरीप हंगाम सुरू होत असताना अजून दिले नाही. अजित पवार यांच्या पॅनलचा तिसरा विजय

उपमुख्यमंत्री अजित पवार यांच्या श्री नीलकंठेश्वर पॅनलचा तिसरा विजय..

इतर मागासवर्गीय प्रवर्गातून नितीन शेंडे 8494 मते.. 1153 मतानी नितीन शेंडे विजयी...

सहकार बचाव पॅनलचे रामचंद्र नाळे पराभूतत्यांना 7341 एवढी मते..

पावसाळी पर्यटनाला बंदी, कोंडेश्वर मधील आदिवासींच्या रोजगारावर गदा

ठाणे जिल्ह्यातील पावसाळी पर्यटनावर जिल्हाधिकाऱ्यांनी मनाई आदेश लागू केले आहेत. या आदेशाविरोधात बदलापुरातल्या कोंडेश्वरच्या आदिवासी बांधवांनी तीव्र नाराजी व्यक्त केलीय. हवं तर पोलीस बंदोबस्त लावा पण आमचा रोजगार हिरावू नका अशी विनवणीही त्यांनी प्रशासनाकडे केलीय.

पंढरपुरातून निघालेली वारी लंडनला पोहोचली.

22 देशातून 70 दिवसांचा प्रवास करत पंढरपुरातून निघालेली वारी आज लंडनमध्ये जाऊन पोहोचली. लंडनच्या मराठी मंडळाने 14 एप्रिल रोजी पंढरपुरातून पांडुरंगाच्या पादुका घेऊन लंडनवारी सुरू केली. आणि हीच वारी आता लंडनच्या ब्रिजवर जाऊन पोहोचली. लंडनमध्ये मराठी परंपरेप्रमाणे पांडुरंगाच्या पादुकांचे भव्य दिव्य स्वागत झाले. हरिनामाचा जयघोष झाला. आणि 70 दिवसानंतर तीन खंड आणि 22 देशातून फिरणारी पंढरीची वारी आज लंडनच्या द्वारी खऱ्या अर्थाने जाऊन पोहोचली. अनिल खेडकर यांच्या संकल्पनेतून पंढरपूर ते लंडन वारी सुरू झाली होती. आणि आज महाराष्ट्रात वारीचा जयघोष सुरू असताना लंडनमध्ये देखील विठू नामाच्या गजरात पंढरीच्या वारीचे वातावरण निर्माण झाले आहे.

पुण्यातील कात्रज-कोंढवा रस्त्यावर भिंत कोसळली

गोकुळनगर परिसरात एका इमारतीचे काम सुरु आहे काम सुरु असताना एका पोकलँडचा धक्का भिंतीला बसला आणि भिंत ३ वाहनावर कोसळली. सुदैवाने कोणीही जखमी झाले नाही.

चाळीत साठवलेल्या कांद्यावर युरिया टाकल्याने ११ ट्रॉली कांदा नासला

निसर्गाच्या लहरीपणाला आणि अनियमित वीज पुरवठा असताना देखील मोठ्या कष्टाने शेतकऱ्याने कांदा पिकविला. पण बाजारभाव घसरल्याने शेतकऱ्यांना कांदा विक्री न करता चांगला बाजारभाव मिळण्याच्या प्रतिक्षेत आकारा ट्रॉली कांदा चाळीत साठवण करुन ठेवला. मात्र कष्टाने पिकविलेल्या कांद्यावर वैऱ्याची नजर पडली अन् त्याने थेट कांदा चाळीतच युरिया टाकला त्यामुळे संपूर्ण कांदा नासला आहे. झालेल्या प्रकारामुळे शेतकऱ्याचे सहा लाखांचे नुकसान झाल्याची घटना नाशिकच्या सटाणा तालुक्यातील तरसाळी गावातील उध्दव भिका रौंदळ याच्यां शेतात घडली आहे. या प्रकरणी या शेतकऱ्याने पोलिसात तक्रार दिली असून अज्ञात इसमाचा पोलिस शोध घेत आहेत.

Maharashtra Live News Update: वाढवणच्या समुद्रकिनाऱ्यावर स्थानिकांनी सर्व्हे रोखला

पालघर - वाढवण बंदराचा जेएनपीए कडून सुरू असलेला ड्रोन सर्व्हे स्थानिकांनी रोखला . वाढवणच्या समुद्रकिनाऱ्यावर स्थानिकांनी सर्व्हे रोखला . वाढवण बंदर उभारणीसाठी समुद्राच्या हायटाईड लाटांचा जेएनपीए कडून सुरू होता ड्रोन सर्व्हे . जेएनपीए कडून ड्रोन सर्व्हेच काम एका खाजगी कंपनीला देण्यात आल्याची माहिती . सर्व्हे सुरू असल्याची माहिती मिळताच स्थानिकांनी एकत्र येत सर्व्हे रोखला .

संभाजीनगर शहरात अनाधिकृत नळ कलेक्शन घेणाऱ्यांवर कारवाई

संभाजीनगर शहरात अतिक्रमण हटवा मोहिमेसोबतच अनाधिकृत नळ कलेक्शन घेणाऱ्यांवर सुद्धा कारवाई सुरू करण्यात आली आहे. अनाधिकृत नळ शोधून ते कट केले जात आहेत. शिवाय ज्यांनी अनधिकृत घेतलं त्यांच्यावर थेट कारवाई केली जात आहे. किराडपुरा येथे 200 मिमी व्यासाच्या मुख्य जलवाहिनीवर अनेक नागरिकांनी अनधिकृत नळ कनेक्शन घेतले होते. मंगळवारी महापालिकेच्या विशेष पथकाने या भागात मोठी कारवाई करत तब्बल 105 अनधिकृत नळ कनेक्शन तोडले. विशेष बाब म्हणजे पोलिस बंदोबस्तात ही कारवाई करण्यात आली. पुन्हा अनधिकृत नळ कनेक्शन घेतले तर फौजदारी कारवाईचा इशारा देण्यात आला. किराडपुरा भागातील काही गल्ल्यांमध्ये पाणी येत नसल्याची ओरड नागरिकांकडून करण्यात येत होती त्यामुळे महानगरपालिका अनधिकृत नळ कनेक्शन तोडल्यावर आक्रमक असल्याचे दिसून येत आहे.

संतश्रेष्ठ गजानन महाराजांच्या पालखी सोहळ्यातील वारकऱ्यांना खास पिटलं भाकरी अन्नदानाची परंपरा

धाराशिव च्या कळंब तालुक्यातील गोविंदपुर येथील ग्रामस्थांनी तब्बल 56 वर्षांपासून वारकरी अन्नदानाची परंपरा जपली आहे.संत गजानन महाराजांची पालखी दिंडीचे गावात जल्लोष स्वागत करण्यात आले तर वारकऱ्यांना जेवनासाठी खास पिटलं भाकरी केली जाते यासाठी तब्बल 8 दिवस अगोदर नियोजन करण्यात आले होते तब्बल 15 हजार भाविक व वारकऱ्यांना हे अन्नदान करण्यात आले साधारण 50 क्विंटल ज्वारीच्या भाकरी व 60 क्विंटल बेसनाचे पिठलं करण्यात आले होते तर संत गजाजन महाराज पालखीच्या दर्शनासाठी परीसरातुन मोठ्या प्रमाणावर भाविक दाखल झाले होते.

संभाजीनगर : एमडी ड्रग्स प्रकरणातील मुख्य आरोपीला व्हीआयपी वागणूक, पोलिसांच्या भूमिकेवर प्रश्नचिन्ह

वाळूज एमआयडीसी परिसरातील साजापूर येथून सव्वा कोटीपेक्षा जास्त किमतीचे एमडी ड्रग्स सापडल्यानं खळबळ उडाली. याप्रकरणी पोलिसांनी दोन वाहने जप्त करून दोन गोदामे सील केली असून तब्बल कोटींचा मुद्देमाल हस्तगत केला आहे. मात्र या गंभीर गुन्ह्यातील मुख्य आरोपी बबनभाईला पोलिसांकडून मिळालेली व्हीआयपी वागणूक सध्या चर्चेत आलीय. पोलिसांकडून आणि त्याच्या कार्यकर्त्यांकडून बडदास्त ठेवली जात आहे. वाटेल ते त्याला दिले जात असल्याचा फोटो व्हायरल झालाय. २४ जूनच्या रात्री बबनभाईला वाळूज एमआयडीसी पोलिस ठाण्यातील एका हॉलमध्ये टेबलावर बसवून, फॅनच्या थंड हवेत, कुटुंबासोबत जेवणाची विशेष व्यवस्था करण्यात आल्याचे सांगितले जात आहे. त्याचा फोटो काढून कोणीतरी व्हायरल केला. त्यानंतर हे समोर आले. गुन्हा गंभीर असतानाही आरोपीवर कोणताही मानसिक दबाव न आणता दिलासा देणारी वागणूक मिळत असल्याने पोलिसांच्या निष्पक्षतेवर प्रश्नचिन्ह उपस्थित होत आहे.

लातूर पोलिसांची मोठी कारवाई... 1कोटी 50 लाखाचा वाळू साठा जप्त

लातूरच्या अहमदपूर पोलिसांनी मोठी कारवाई केली. सहायक पोलीस अधीक्षक बी चंद्रकांत रेड्डी यांनी वाळू तस्करांवर कारवाईचा बडगा उगारला आहे... लातूर नांदेड रोडवरच्या राळगा शिवारात अवैध्य पद्धतीने वाळू साठा केल्याची गोपनीय माहिती पोलीस प्रशासनाला मिळाली होती.तर, पोलिसांनी एक पथक तयार करत अचानक धाड टाकत कारवाई केली आहे. दरम्यान या कारवाईत एकूण 12 वाळू तस्करांना ताब्यात घेण्यात आले आहे. तर दोन जेसीबी चार हायवा असा एकूण 1 कोटी 47 लाख रुपयांचा मुद्देमाल पोलिसांनी जप्त केला आहे.. तर या कारवाईमुळे अवैद्य वाळू उपसा करणाऱ्यांचे धागे दणाणले आहेत..

संभाजीनगरचे जिल्हाधिकारी दिलीप स्वामी यांचा कृष्णपूर येथील शेतकऱ्यांशी संवाद

छत्रपती संभाजीनगर जिल्ह्यात शेतकऱ्यांच्या अडीअडचणी जाणून घेण्यासाठी अधिकारी शेताच्या बांधावरी हा उपक्रम हाती घेण्यात आलाय. शेतकऱ्यांच्या बांधावर जाऊन शेतीच्या समस्या जाणून घेण्यासाठीचा हा राज्यातला हा पहिलाच उपक्रम आहे. या उपक्रमाअंतर्गत जिल्हाधिकारी दिलिप स्वामी गावात जाऊन आणि शेतीच्या बांधावर जाऊन शेतकऱ्यांशी चर्चा करुन त्यांच्या समस्या जाणून घेतल्या. त्यासोबतच सगळ्याच तालुक्यातील गावांमध्ये उपजिल्हाधिकारी, तहसीलदार येथेच बांधावर पोचून शेतकऱ्यांच्या नेमका अडचणी काय आहेत, त्या समजून घेतल्या जात आहेत.

हिंगणा येथे विकसित होणार नवीन नागपूर,एनएमआरडीए तर्फे 1,780 एकर जागा मंजूर

- नागपूर महानगर प्रदेश विकास प्राधिकरणाने हिंगणा तालुक्यातील 1,780 एकरवर मध्यवर्ती व्यावसायिक जिल्हा प्रकल्पाची घोषणा केली आहे.

- मौजा गोंठगाव आणि लाडगाव दरम्यान विकसित होणारा हा प्रकल्प पूर्णपणे मिश्र वापराचा असेल.

- त्यामध्ये मॉल, आयटी पार्क, ऑफिस टॉवर, उद्योग आणि निवासी मालमत्तांचा समावेश राहील.

- रस्ते, भूमिगत सेवा, वीज, पाणी आणि अत्याधुनिक स्वयंपूर्ण टाऊनशीप विकसित करण्यात येणार आहे.

- 13 हजार कोटी रुपये खर्चाचा हा प्रकल्प केंद्र सरकारच्या मदतीने पूर्ण केला जाणार...

- एनएमआरडीएने मंजुरी दिली असून मंत्रिमंडळाची अंतिम मंजुरी मिळाल्यानंतर प्रकल्पाची अंमलबजावणी सुरू होईल..

मावळात मुसळधार पाऊस सुरू, शेतकऱ्यांनी भात लागवडीला केली सुरुवात

मावळात मुसळधार पाऊस सुरू आहे. भात पिकासाठी प्रसिद्ध असलेल्या मावळात भात लागवडीला शेतकऱ्यांची लगबग सुरू आहे. मात्र त्यासाठी लागणाऱ्या अवजारांना दुरुस्तीच्या कामालाही वेग आलेला आहे.. आपल्या घरातील शेतीसाठी लागणाऱ्या अवजारांची दुरुस्ती करून भात लागवडीला शेतकरी तयारी करू लागलेला आहे. त्यामुळे अवजारे दुरुस्ती करणाऱ्या दुकानात शेतकऱ्यांची मोठी गर्दी पाहायला मिळत आहे..

अकरावीच्या प्रवेशाची पहिली निवड यादी गुरुवारी होणार जाहीर

या दिवशी विद्यार्थ्यांना प्रवेशासाठी मिळालेले महाविद्यालयांची निवड यादी आणि पहिल्या फेरीचा कट-ऑफ जाहीर केला जाणार

इयत्ता अकरावीची प्रवेश प्रक्रिया केंद्रीय ऑनलाइन पद्धतीने राबविण्यात येत आहे

या अंतर्गत राज्यातील नऊ हजार ४३५ कनिष्ठ महाविद्यालयांमधील २१ लाख २३ हजार ७२० जागांसाठी आतापर्यंत १२ लाख ७१ हजार २०१ विद्यार्थ्यांनी नोंदणी केली आहे

या प्रवेश प्रक्रियेत ‘कॅप’अंतर्गत १६ लाख ६० हजार ८४ जागा उपलब्ध आहेत

व्यवस्थापन कोट्याअंतर्गत चार लाख ६३ हजार ६३६ जागा उपलब्ध आहेत

विद्यार्थ्यांना एसएमएसद्वारे देखील संदेश पाठविले जातील आणि पहिल्या नियमित फेरीचा कट-ऑफ जाहीर होईल

बनावट शालार्थ आयडी तयार करणारा संस्थाचालक अटकेत

- शालार्थ आयडी घोटाळ्यात अनेक शिक्षकांचा बनावट शालार्थ आयडी तयार करणारा संस्थाचालक अटकेत

- अंजीकर शांतीनिकेतन शैक्षणिक संस्थेचा संस्थाचालक ओंकार भाऊराव अंजीकर याला अटक करण्यात आली...

- अंजीकर यांने आपल्याच संस्थेचं बनावट लेटरहेड वापरुन अपात्र मुख्याध्यापक पराग पुडके याने पद मिळवल्याची तक्रार केली होती... त्यामुळे या प्रकरणाचा पहिला तक्रारदारचं आता आरोपी झाला...

- आता एसआयटीच्या चौकशीत स्वतः ओंकार अंजीकर अडकले असून पोलिसानी अटक केली...

- अंजीकर यांच्या संस्थेमार्फत तीन शाळा चालवल्या जातात

- २०१९ पासून अंजीकर यांने साधारण ३० शिक्षकांचे बनावट शालार्थ आयडी तयार केल्याचा आरोप आहेय

जालना अतिवृष्टी अनुदान घोटाळा प्रकरणी दोन तहसीलदारांविरोधात शिस्तभंगाचा प्रस्ताव शासनाला सादर

जालन्यातील अंबड आणि घनसांवगी तालुक्यात अतिवृष्टी अनुदान वाटपामध्ये 40 कोटींचा घोटाळा झाल्याच समोर आल आहे.याप्रकरणी जालना जिल्हाधिकाऱ्यांनी चौकशी समिती नेमली आणि या समितीने क्षत्रिय अधिकारी कर्मचाऱ्यांसोबतच विभाग प्रमुख म्हणून तहसीलदारांवरही ठपका ठेवला आहे. त्यामुळे जालन्याचे जिल्हाधिकारी श्रीकृष्ण पांचाळ यांनी अंबडचे तत्कालीन तहसीलदार चंद्रकांत शेळके आणि घनसांवगीच्या तहसीलदार योगिता खटावकर यांच्याविरुद्ध शिस्तभंगाच्या कारवाईचा प्रस्ताव शासनाला पाठवला आहे.त्यामुळे शासनाकडून या प्रकरणात संबंधितांचे निलंबन होते की विभागीय चौकशी प्रस्तावित केली जाते हे पाहणं महत्त्वाच असणार आहे.अतिवृष्टी अनुदान घोटाळ्यामध्ये आतापर्यंत 16 तलाठी,एक मंडळाधिकारी, तीन सहाय्यक महसूल अधिकारी आणि एक महसूल सहाय्यक अशा 21 अधिकारी कर्मचाऱ्यांचे निलंबन करण्यात आले आहे. तसेच 35 तलाठ्यांची विभागीय चौकशी देखील होणार आहे. त्यामुळे आता या प्रकरणात शासन या दोन तहसीलदारांवर काय कारवाई करणार हे बघलं महत्त्वाचं असणार आहे...

Maharashtra Live News Update: नवी मुंबई महानगरपालिका भाजपकडून स्वबळावर लढवण्याची तयारी

वरिष्ठ पातळीवर जो निर्णय आम्हाला मान्य असेल मात्र नवी मुंबईत आमची ताकद आहे त्यामुळे नवी मुंबईत भाजपची सत्ता यावी यादृष्टीने आम्ही वरिष्ठ कळविले आहे

भाजप स्वबळावर लढवण्याची तयारी आमची आहे स्पष्ट संकेत माजी खासदार भाजपा नेते संजीव नाईक यांनी दिली आहे

तसेच मुख्यमंत्री देवेंद्र फडणवीस वनमंत्री गणेश नाईक यांनी सुद्धा नवी मुंबई प्रश्नांवर बैठक आयोजित करण्यात आली होती त्यात महत्वाचे निर्णय घेतलेआहे त्यांची सुद्धा अंमलबजावणी केली जाईल

विश्वशांतीसाठी पालीच्या बल्लाळेश्वर मंदीरात संततधार जलाभिषेक आणि अथर्वशिर्ष पठणचे आयोजन

विश्वशांतीसाठी पालीच्या बल्लाळेश्वर मंदिरात विषेश पुजा विधींचे आयोजन करण्यात येणार आहे. यामध्ये श्रींच्या स्वयंभू मुर्तीवर संततधार जलाभिषेक आणि अथर्वशिर्ष पठण केले जाणार आहे. दिनांक 26 ते 28 जुन असे तीन दिवस हे विषेश पुजाविधी मंदिराच्या मुख्य गाभाऱ्यात पार पडणार असून या दरम्यान मंदीराच्या गाभाऱ्यातील दर्शन आणि भाविकांच्या पुजा, अभिषेक होणार नाहीत तर बाहेरील सभा मंडपातुन दर्शन घेता येणार असल्याचे बल्लाळेश्वर देवस्थान ट्रस्ट, पाली मार्फत सांगण्यात आले आहे. गणेश भक्तांनी सहकार्य करावे असे अवाहन देवस्थान ट्रस्ट मार्फत करण्यात आले आहे.

धाराशिव मधील एका खाजगी हॉस्पिटलची तोडफोड

डॉ.सस्ते यांच्या पार्वती हॉस्पिटलचे मोठे नुकसान

रात्री पावणे अकराच्या सुमारास झाली तोडफोडीची घटना

वैद्यकीय सेवा नाकारल्याच्या रागातून अज्ञात व्यक्तींनी हॉस्पिटलची तोडफोड केल्याची डॉक्टरांची माहिती

तोडफोड करणाऱ्यांनी हॉस्पिटल मधील लॅबचे देखील केलं मोठं नुकसान

दहा ते बारा लोकांनी येऊन चार चाकी गाडीच्या काचा फोडून,एलईडी टीव्हीसह हॉस्पिटल मधील इतर सामानाची केली तोडफोड

हॉस्पिटल परिसरात दगड आणि काचांचा खच

अज्ञात व्यक्तीकडून डॉक्टरांसह कर्मचाऱ्यांनाही मारहाण झाल्याचा डॉक्टरांचा दावा

हॉस्पिटलमध्ये दहा ते बारा रुग्णांवर उपचार सुरू असताना अचानक ह प्रकार घडल्याने रुग्णांमध्ये भीतीचं वातावरण

अकोला महापालिकेच्या शिक्षकांच्या समस्या लागणार मार्गी?, काँग्रेसच्या दोन्ही आमदारांनी शिक्षकांच्या समस्येवर बोलावली बैठक

अकोला महापालिकेच्या शिक्षकांच्या गेल्या अनेक वर्षापासून प्रलंबित असलेल्या समस्या आता लवकरच निकाली लागणारेय.. कारण, आमदार साजिद खान आणि आमदार धीरज लिंगाडे यांनी अकोला मनपा आयुक्तांच्या दालनात बैठक घेतली. गेल्या 15-16 वर्षांपासून मनपा शिक्षक, सेवानिवृत्त शिक्षक यांच्या अनेक समस्या प्रलंबित होत्या. यावरून दोन्ही काँग्रेस आमदारांनी मनपा आयुक्तांच्या दालनात शिक्षक संघटनांसोबत घेत बैठक घेतलीय.. शिक्षकांच्या सर्व समस्या लवकरात लवकर सोडविणार असल्याचे आश्वासन, मनपा आयुक्त सुनील लहाने यांनी दिले.

महापालिका शिक्षकांना सातव्या वेतन आयोगाची थकबाकी असलेली रक्कम देण्यात यावी, पदवीधर शिक्षकांना वरिष्ठ श्रेणी लागू करणे, 40 शिक्षकांना वरिष्ठ वेतन श्रेणीची थकबाकी मिळावी, तसेच मुख्याध्यापक पदी नियुक्ती जारीकेली असली तरी मात्र आर्थिक लाभ मिळाला नाही, तो देण्यात यावा, सोबतच सेवाज्येष्ठतेनुसार मुख्याध्यापकांची पदोन्नती द्यावी, अशा अनेक समस्या मागील काही वर्षापासून प्रलंबित होत्या.

पश्चिम विदर्भातल्या 5 जिल्ह्यात 29 जूनपर्यत पावसाचा अंदाज

विदर्भासह पश्चिम विदर्भातील पाचही जिल्ह्यात पुढील 4 दिवस पावसाची शक्यता वर्तवण्यात आली आहे..नागपूरच्या प्रादेशिक हवामान केंद्रातर्फे विदर्भातल्या अकोला, बुलढाणा, वाशिम, यवतमाळ आणि अमरावती या पाचही जिल्ह्यामध्ये येत्या 29 जूनपर्यंत विजांच्या कडकडाटासह पावसाचा अंदाज दिलाय.. या कालावधीत वाऱ्याचा वेग ताशी 30 ते 40 किमी प्रतितास राहणारेय..

दरम्यान, नागरिकांनी वीज, वारा व पावसापासून बचावासाठी सुरक्षित ठिकाणी आश्रय घ्यावा. झाडाखाली आसरा घेऊ नये. या काळात ड्रेनेज, सखल भाग, रस्त्याचे अंडरपास किंवा जिथे पाणी साचतं, अशा ठिकाणी जाणे टाळावे. पूर आलेल्या रस्त्यावरून अथवा नदीच्या पुलावरून पाणी वाहत असल्यास पूल ओलांडू नये. तर शेताकऱ्यांनी आपले जनावरे झाडांना किंवा वीजेच्या ताराला अर्थातच खांबाला बांधू नये, अस आवाहन प्रशासनाने केले.

माळेगाव सहकारी साखर कारखान्यात पहिल्या फेरीच्या मोजणीनंतर पुन्हा काटे की टक्कर

उपमुख्यमंत्री अजित पवार आणि चंद्रराव तावरे यांच्यामध्ये चुरशीची लढत

माळेगाव सहकारी साखर कारखान्याच्या पहिल्या फेरीची मतदान मोजणी पूर्ण

उपमुख्यमंत्री अजित पवार यांच्या निळकंठेश्वर पॅनलचे 17 उमेदवार आघाडीवर

चंद्रराव तावरे यांच्या सहकार बचाव पॅनलचे 4 उमेदवार आघाडीवर

उपमुख्यमंत्री अजित पवार यांचा एकमेव विजयी उमेदवार म्हणून घोषणा

अजून देखील वीस उमेदवारांचा निकाल हाती येणे बाकी

सहकार बचाव सांगवी गटातून पॅनलचे चंद्रराव तावरे , रणजित खलाटे महिला गटातून राजश्री कोकरे तर बारामती गटातून नेताजी गवारे

मोजणीला विलंब झाल्याने दुसरी फेरीची मतमोजणी पहाटे साडेपाच वाजता सुर झाल्याने निकाल उशिरा येण्याची शक्यता