விஷ்ணு விஷால் தென்னிந்திய சினிமாவில் பணியாற்றும் திரைப்பட நடிகர் மற்றும் தயாரிப்பாளர் ஆவார். இளம் வயதில் கிரிக்கெட் வீரராக tnca லீக் போட்டிகளில் விளையாடி வந்தார் விஷ்ணு விஷால். 2009 ஆம் ஆண்டு வெண்ணிலா கபடி குழு என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார். 2011 ஆம் ஆண்டு குள்ளநரி கூட்டம் திரைப்படத்தில் நடித்ததன் மூலம் அனைவரின் கவனத்தையும் ஈர்த்தார் விஷ்ணு விஷால்.

2012 ஆம் ஆண்டு நீர்ப்பறவை என்ற திரைப்படத்தில் நடித்ததன் மூலம் அனைவரின் பாராட்டுகளையும் பெற்று சிறந்த நடிகருக்கான சைமா விருதுக்கும் பரிந்துரைக்கப்பட்டார். தொடர்ந்து முண்டாசுப்பட்டி, இன்று நேற்று நாளை, வேலைன்னு வந்துட்டா வெள்ளைக்காரன் போன்ற திரைப்படங்களில் நடித்தார்.

2018 ஆம் ஆண்டு இவர் நடித்த சைக்கோ திரில்லர் திரைப்படமான ராட்சசன் இன்றைக்கும் புகழப்பட்டு வருகிறது. தொடர்ந்து கட்டாகுஸ்தி லால் சலாம் என்ற திரைப்படங்களில் நடித்து புகழ்பெற்றார் விஷ்ணு விஷால். இந்நிலையில் தற்போது தயாரிப்பாளராகவும் களமிறங்கி இருக்கிறார் விஷ்ணு விஷால். இவர் நடித்து தயாரித்த கட்டா குஸ்தி திரைப்படம் நல்ல விமர்சனங்களை பெற்றது. தற்போது ஓஹோ எந்தன் பேபி என்ற தனது தம்பி நடித்த திரைப்படத்தை தயாரித்திருக்கிறார் விஷ்ணு விஷால். இந்த திரைப்படம் வெளிவர இருக்கிறது.

இந்நிலையில் ஒரு நேர்காணலில் கலந்து கொண்ட விஷ்ணு விஷால் சினிமாவில் நுழைந்த ஆரம்பகட்டத்தில் தான் பட்ட கஷ்டங்களை பகிர்ந்திருக்கிறார். அவர் கூறியது என்னவென்றால், சென்னை 600028 படத்திற்கு ஆடிஷன் சென்றேன். அப்போது என்னை செலக்ட் செய்யவில்லை. தொடர்ந்து பல படங்களில் நடிக்க முயற்சி செய்தேன். ஆனால் நான் செலக்ட் ஆகாமல் நிராகரிக்கப்பட்டேன். அதற்குப் பிறகு ஏழு வருடங்கள் போராட்டத்திற்கு பிறகு தான் 2009 ஆம் ஆண்டு வெண்ணிலா கபடி குழு பட வாய்ப்பு எனக்கு கிடைத்தது. தொடர் நிராகரிப்புகளால் நான் நிறையவே நொறுங்கிப் போனது உண்டு என்று உருக்கமாக பேசி இருக்கிறார் விஷ்ணு விஷால்.