உத்தரபிரதேசம், ஹாத்ராஸ் மாவட்டத்தில் உள்ள ஒரு பெட்ரோல் பங்க்கில் வியாழக்கிழமை நடந்த அதிர்ச்சியூட்டும் சம்பவம் பொதுமக்களிடையே பரபரப்பை ஏற்படுத்தியுள்ளது.
காரில் வந்த ஓட்டுநர், தனது வாகனத்தில் 31 லிட்டர் பெட்ரோலை நிரப்பிய பிறகு பணம் செலுத்தாமல், பங்க் பைப் முனையை இழுத்து காருடன் தப்பிச் சென்றார். இதனால் பைப் அறுந்து விழுந்தது. இந்த சம்பவம் பெட்ரோல் பங்க்கில் பொருத்தப்பட்டிருந்த சிசிடிவி கேமராவில் தெளிவாக பதிவாகியுள்ளது.
பெட்ரோல் பங்க் ஊழியர்கள் சம்பவத்துக்குப் பிறகு உடனடியாக அந்த காரை துரத்தினர். ஆனால் ஓட்டுநர் மிக வேகமாக காரை ஓட்டிச் சென்று தப்பிச்சென்றார். இதனையடுத்து, போலீசாருக்கு தகவல் அளிக்கப்பட்டது.
போலீசார் தீவிரமாக வாகனத்தைக் கண்காணித்த நிலையில், சுமார் 2 கிலோமீட்டர் தொலைவில் சாலையில் பெட்ரோல் டேங்கின் உடைந்த முனை கைவிடப்பட்ட நிலையில் கண்டுபிடிக்கப்பட்டது. ஆனால் அதற்குள் ஓட்டுநர் முழுமையாக தப்பிச் சென்றுவிட்டார்.
இந்த சம்பவம் குறித்து பெட்ரோல் பம்ப் நிர்வாகி, ஹாத்ராஸ் கோட்வாலி காவல் நிலையத்தில் புகார் அளித்துள்ளார். தற்போது, சிசிடிவி காட்சிகளை அடிப்படையாகக் கொண்டு போலீசார் ஓட்டுநரின் அடையாளத்தை கண்டறியும் பணியில் ஈடுபட்டு வருகின்றனர். குற்றவாளியை விரைவில் கைது செய்வதற்காக தீவிர விசாரணை நடைபெற்று வருவதாக போலீசார் தெரிவித்துள்ளனர்.
