बंगळूर : मंड्याच्या माजी खासदार आणि अभिनेत्री रम्या यांनी दाखल केलेल्या तक्रारीवरून केंद्रीय गुन्हे शाखेने दोन जणांना अटक केली आहे, अशी माहिती बंगळूरचे पोलिस आयुक्त सीमांतकुमार सिंह यांनी शनिवारी दिली.

बंगळूर : काँग्रेसच्या ‘असंवैधानिक वर्तना’विरोधात मंगळवारी (ता. ५) बंगळूरमध्ये भाजप निषेध करणार आहे, असे भाजपचे प्रदेशाध्यक्ष बी. वाय. विजयेंद्र यांनी शनिवारी जाहीर केले. काँग्रेस नेते राहुल गांधी देखील त्याच दिवशी ‘मतदानातील गैरप्रकारां’विरोधात निषेध करणार आहेत.

‘महादेवी हत्तीण’ परत मिळविण्यासाठी रविवारी (ता.३) पहाटे पाच वाजता नांदणी येथून पदयात्रेला सुरुवात होणार आहे. दिवसभरात ४५ किलोमीटर चालत ही पदयात्रा कोल्हापुरात जिल्हाधिकारी कार्यालयावर धडकणार आहे. यात हजारो सर्वधर्मीय नागरिक सहभागी होणार असल्याची माहिती माजी खासदार राजू शेट्टी यांनी दिली आहे. नांदणी निशिधीका येथे श्री चक्रेश्वरी देवीची आरती झाल्यानंतर पदयात्रेला सुरुवात होणार आहे. त्यानंतर निशिधीका-माणगांवेकोडीहून कोल्हापूर-सांगली महार्गावर येणार आहे.

Latest Marathi Live Updates 3 August 2025 : के. आर. नगरमधील घरात घरकाम करणाऱ्या ४८ वर्षीय महिलेवर अत्याचार आणि अपहरण प्रकरणात लोकप्रतिनिधींच्या विशेष न्यायालयाने धजदचा हासनचा माजी खासदार प्रज्वल रेवण्णा याला जन्मठेपेची शिक्षा आणि १० लाख रुपयांपेक्षा जास्त दंडाची शिक्षा ठोठावली. तसेच बिहारमधील मसुदा मतदारयाद्यांवरून राजकारण तापले असून, राष्ट्रीय जनता दलाचे नेते तेजस्वी यादव यांनी नव्या यादीमध्ये स्वतःचे नावच नसल्याचा आरोप केला आहे. जम्मू- काश्मीरच्या कुलगाम जिल्ह्यामध्ये सुरक्षा दलांनी शनिवारी दोन दहशतवाद्यांचा खात्मा केला. काँग्रेसमधील नेतृत्व बदलाला मोठा ‘ट्विस्ट’ आला आहे. आता सिद्धरामय्या नाहीत, डी. के. शिवकुमार नाहीत, तर जी. परमेश्वर मुख्य केंद्रबिंदू म्हणून आता उदयास आले आहेत. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..