'बिग बॉस 19'मध्ये पहिल्या दिवसापासून सदस्यांनी भांडणांना सुरूवात केली आहे.

'बिग बॉस 19'चे पहिले नॉमिनेशन पार पडले आहे.

पहिला नॉमिनेशन प्रक्रियेत 7 सदस्यांना नॉमिनेट करण्यात आले आहे.

'बिग बॉस 19' चा (Bigg Boss 19) गेम दिवसेंदिवस अधिकच मनोरंजक होत जात आहे. कार्यक्रम सुरू होताच पहिले एलिमिनेशन पार पडले आहे. घरातील सदस्यांनी एकत्र मिळून फरहान भटला घराबाहेर काढण्याचा निर्णय घेतला. आता बिग बॉसच्या घरात नॉमिनेशन प्रक्रियेला सुरूवात झाली असून घरातील काही सदस्य नॉमिनेट देखील झाले आहे.

बिग बॉसने घरातील सदस्यांना नॉमिनेशन टास्क दिला होता. ज्यात सदस्यांना एकमेकांच्या चुका सांगून नॉमिनेट करायचे होते. याचा एक व्हिडीओ सोशल मीडियावर शेअर करण्यात आला आहे. ज्यात घरातील सदस्य कॉन्फरन्स हॉलमध्ये एकत्र बसलेले पाहायला मिळत आहेत आणि एकमेकांची नावे सांगत आहेत. 'बिग बॉस 19'च्या पहिल्याच नॉमिनेशन प्रक्रियेत 7 सदस्यांना नॉमिनेट करण्यात आले आहे. नॉमिनेट सदस्यांची यादी जाणून घेऊयात.