बहुप्रतिक्षित आशिया कप स्पर्धेला 9 सप्टेंबरपासून सुरुवात होणार आहे. आशिया कप स्पर्धेत एकूण 8 संघ सहभागी होणार आहेत. या संघात एक ट्रॉफी जिंकण्यासाठी चढाओढ असणार आहे. आतापर्यंत या 8 पैकी 7 संघांची घोषणा करण्यात आली आहे. यूएईमध्ये या स्पर्धेतील सामने खेळवण्यात येणार आहेत. मात्र यजमान संघानेच आतापर्यंत संघ जाहीर केलेला नाही. यूएई व्यतिरिक्त इतर सर्व 7 संघांची घोषणा करण्यात आली आहे. या 8 संघांना 2 गटांमध्ये विभागलं गेलं आहे. गतविजेता भारत, पाकिस्तान, यजमान यूएई आणि ओमान असे 4 संघ अ गटात आहेत. तर ब गटात गतउपविजेता श्रीलंका, अफगाणिस्तान, बांगलादेश आणि हाँगकाँग आहे.