சீனாவின் ஜிலின் மாகாணம், சாங்சுன் நகரில் நடைபெறவுள்ள சாங்சுன் விமானக் கண்காட்சி 2025 முன்னிட்டு, செப்டம்பர் 16ஆம் தேதி ஒத்திகைப் பறப்பில் ஈடுபட்டிருந்த இரண்டு பறக்கும் டிரோன்கள் வானில் மோதிய விபத்து அதிர்ச்சியை ஏற்படுத்தியுள்ளது.

சீன மின்சார வாகன உற்பத்தியாளரான Xpeng Aeroht நிறுவனத்துக்குச் சொந்தமான இந்த இரண்டு eVTOL வகை பறக்கும் டிரோன்கள் , விமானக் கண்காட்சிக்கான பயிற்சி பறப்பில் ஈடுபட்டிருந்தபோது, போதிய இடைவெளி இல்லாமல் காற்றில் ஒன்றோடொன்று மோதின. அதன் விளைவாக, ஒரு டிரோன் தரையில் விழுந்து தீப்பிடித்துள்ளது. Xpeng Aeroht, செவ்வாய்க்கிழமை இதைத் தங்களது அதிகாரப்பூர்வ அறிக்கையில் உறுதிப்படுத்தியது.