தாய் இறந்து 3 நாட்களுக்குப் பிறகும் இறுதிச் சடங்குகள் செய்யாமல் பணம் மற்றும் தங்கத்திற்காக மகள்கள் சண்டையிட்ட சம்பவம் பரபரப்பை ஏற்படுத்தியுள்ளது. 

தெலங்கானா மாநிலம் சூரியபேட்டை மாவட்டத்தின் ஆத்மகூர் எஸ்.மண்டலம்  பொடிலி நரசம்மா என்ற மூதாட்டி இறந்துவிட்டார். அவர் இறந்து மூன்று நாட்கள் ஆகிறது. இந்த 3 நாட்களாக வீட்டில் பிரிஜர் பாக்ஸ் கொண்டு வரப்பட்டு அதில்  வைக்கப்பட்டது.  இறுதிச் சடங்குகள் செய்யாமல் மூன்று நாட்களாக அந்த வீட்டில் பஞ்சாயத்து நடந்து வருகிறது. பொடிலி நரசம்மாவுக்கு இரண்டு மகள்கள் உள்ளனர். அவரது தாயார் இறந்த பிறகு, இரண்டு மகள்களும் அவரிடம் இருந்த ரூ.12 லட்சம் மற்றும் 10 சவரன்  தங்கத்திற்காக சண்டையிட்டு வருகின்றனர். 12 லட்சம் பணம் மற்றும் 10 சவரன் தங்கம் தொடர்பான பங்கு தீர்க்கப்படும் வரை இறுதிச் சடங்குகள் செய்ய மாட்டோம் என்று இரண்டு மகள்களும் வாதிடுகின்றனர்.

பொடிலி நரசம்மா உயிருடன் இருந்தபோது அவருக்குச் சொந்தமான 8 ஏக்கர் நிலத்தை மகள்கள் பகிர்ந்து கொண்டனர். இப்போது அவரிடம் இருந்த பணம் மற்றும் தங்கத்திற்காக அவர் இறந்த பிறகும் சண்டையிட்டு வருகின்றனர். இறுதி சடங்கு பார்க்க வந்த உறவினர்கள், நண்பர்கள் மற்றும் அண்டை வீட்டார் எவ்வளவு சொன்னாலும், அவர்கள் இரண்டு மகள்களும் பேச்சைக் கேட்கவில்லை. இறுதிச் சடங்குகளுக்குப் பிறகு, சொத்துப் பிரச்சினையைத் தீர்த்துக் கொள்ளுங்கள். ஏற்கனவே மூன்று நாட்கள் ஆகிறது என்று எவ்வளவு சொன்னாலும், அவர்கள் கேட்கவில்லை. பணம் மற்றும் தங்கம் பிரித்து கொடுத்த பின்னரே இறுதிச் சடங்குகள் செய்யப்படும் என்று அவர்கள் மூன்று நாட்களாக பிடிவாதமாக உள்ளனர். வீட்டைச் சுற்றியுள்ளவர்களிடமிருந்து போலீசார் தகவல் பெற்று வந்தனர். அவர்கள் இரண்டு மகள்களிடமும் பேசினர். இறுதிச் சடங்கை முடிக்கச் கூறியும்  மகள்கள் மட்டும் கேட்பதாக இல்லை  இதனால் ஒரு நாள் மட்டும் கால அவகாசம் வழங்கி நீங்கள் செய்யாவிட்டால் நாங்களே ஏற்பாடு செய்து இறுதி சடங்கு செய்து விடுவோம் என்று கூறியதால் பின்னர் மகள்கள் இறுதி சடங்கு செய்ய ஒப்பு கொண்டனர்.