நாட்டின் வங்கித் துறையில் பணிபுரியும் ஊழியர்கள் தாங்கள் உள்ளூர் மட்டத்தில் சந்திக்கும் வாடிக்கையாளர்களை நன்கு புரிந்து செயல்பட, அந்த வட்டார மொழியை அவசியம் கற்றுக்கொள்ள வேண்டும் என்று மத்திய நிதி மந்திரி நிர்மலா சீதாராமன் தெரிவித்துள்ளார். மும்பையில் நடைபெற்ற ஸ்டேட் வங்கியின் 12-வது பொருளாதார மாநாட்டில் கலந்துகொண்ட அவர் இவ்வாறு கூறினார்.

நாட்டின் பொருளாதாரம் தொடர்ந்து வளர்ச்சியடைந்து வருவதாகவும், உலகத் தரத்தில் செயல்படும் வங்கிகள் தேவைப்படும் சூழலில், ரிசர்வ் வங்கி உள்ளிட்ட நிதி நிறுவனங்களுடன் இணைந்து தேவையான ஆலோசனைகள் நடைபெற்று வருவதாகவும் அவர் தெரிவித்தார். தொழில் துறைக்கு கடன் வழங்கல் மேலும் விரிவடைய வேண்டியது அவசியம் என்றும், ஜி.எஸ்.டி. சீர்திருத்தம் நாட்டில் முதலீட்டை ஊக்குவிக்கும் நல்ல சுற்று முறையை உருவாக்கி வருவதாகவும் தெரிவித்தார்.

அதனைத் தொடர்ந்து, பொதுத்துறை வங்கி ஊழியர்களுக்கான பணியாளர் விதிமுறைகள் மாற்றப்பட வேண்டிய அவசியத்தை அவர் வலியுறுத்தினார். “ஒரு கிளையில் பணிபுரியும் ஒவ்வொரு ஊழியரும் அந்த பகுதியின் மொழியைப் புரிந்து பேச வேண்டும். குறைந்தபட்சம் கிளை மேலாளர் மட்டுப்பட்டாலும் வாடிக்கையாளர்களுடன் அவர்களது வட்டார மொழியில் தொடர்பு கொள்ளக்கூடிய திறன் இருக்க வேண்டியது அவசியம்” என அவர் குறிப்பிட்டார்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை

ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க