2026 हे नवीन वर्ष साजरा करण्यासाठी तुम्हाला गोव्यातील गर्दीची किंवा मनालीच्या वाहतूक कोंडीची भीती वाटते का? तुम्हाला नवीन वर्षाचे स्वागत गोंगाटाच्या पार्टीपेक्षा मोकळ्या आकाशाखाली आणि शांततेत निसर्गाच्या सानिध्यात करायचे आहे का? जर असेल तर तुम्ही हा लेख नक्कीच वाचा.

नवीन वर्षाची संध्याकाळ ही फक्त पार्टी करण्याबद्दल नाही तर ती एका नवीन सुरुवातीसाठी स्वतःला तयार करण्याबद्दल देखील आहे. यावेळी गर्दीत जाण्याऐवजी तुम्ही भारतातील या पाच सुंदर आणि शांत ठिकाणांना भेट देऊ शकता जिथे तुम्ही खरोखर आनंदात नवीन वर्ष साजरे करू शकता.

लँडोर, उत्तराखंड

तुम्हाला जर डोंगर भागांमध्ये फिरायला आवडत असेल तर मसुरीपासून काही अंतरावर असलेल्या लँडोर तुमच्यासाठी स्वर्ग असेल. मसुरीपासून अगदी वरच्या बाजूला वसलेले हे छोटे शहर त्याच्या शांतता आणि जुन्या ब्रिटिश वास्तुकलेसाठी ओळखले जाते. दाट पाइन जंगले हवेत एक अनोखी जादू भरून ठेवतात. प्रसिद्ध विंटर लाईनचे दृश्य आणि शांत कॅफेमध्ये गरम कॉफीचा कप तुमच्या वर्षाची सुरुवात संस्मरणीय बनवेल.

तीर्थन व्हॅली, हिमाचल प्रदेश

तुम्हाला जर निसर्गात वेळ घालवाचा असेल, तर कुल्लू किंवा मनालीऐवजी तीर्थन व्हॅलीला जाण्याचा विचार करा. वाहत्या नदीचा गुरगुरणारा आवाज आणि सुंदर लाकडी घरे तुम्हाला मंत्रमुग्ध करतील. हे ठिकाण ग्रेट हिमालयीन राष्ट्रीय उद्यानाजवळ आहे. येथे तुम्ही मासेमारी करू शकता, ट्रेकिंग करू शकता किंवा नदीकाठी बसून पुस्तक वाचू शकता. येथील शांतता तुमचा शहराचा थकवा त्वरित दूर करेल.

गोकर्ण, कर्नाटक

तुम्हाला जर समुद्रकिनारे आवडत असतील पण गोव्याच्या गर्दी नको असेलतर गोकर्ण हे तुमच्यासाठी एक परिपूर्ण ठिकाण आहे. ओम बीच आणि पॅराडाईज बीचवर सूर्यास्त पाहणे हा खरोखरच आध्यात्मिक अनुभव आहे. गोकर्ण मध्ये तुम्हाला पार्टीचे वातावरण आणि आध्यात्मिक शांतता दोन्ही देते. येथे तुम्ही समुद्राच्या लाटांचा आवाज ऐकत वाळूवर अनवाणी चालत नवीन वर्षाचे स्वागत करू शकता.

ओरछा, मध्य प्रदेश

तुम्ही जर इतिहास आणि राजघराण्यातील लोकांचे चाहते असाल, तर मध्य प्रदेशातील ओरछा तुम्हाला निराश करणार नाही. बेतवा नदीच्या काठावर वसलेले हे शहर तुम्हाला भूतकाळात घेऊन जाईल. येथील किल्ले, राजवाड्यांना भेट देण्यासारखे आहे. संध्याकाळी नदीकाठावर बसून सूर्यास्त पाहणे आणि आश्चर्यकारक वास्तुकलेचे कौतुक करणे तुमच्या उत्सवाला एक शाही स्पर्श देईल. हे शहर विरळ गर्दीचे आहे, म्हणून तुम्ही शांततेत एक्सप्लोर करू शकता.

झिरो व्हॅली, अरुणाचल प्रदेश

तुम्हाला खरोखरच एक अनोखा आणि असाधारण अनुभव हवा असेल, तर ईशान्येकडे भागांमध्ये जा. अरुणाचल प्रदेशची झिरो व्हॅली तिच्या हिरवळीसाठी आणि आदिवासी संस्कृतीसाठी प्रसिद्ध आहे. तेथील भातशेती आणि पाइनची जंगले चित्रांसारखी दिसतात. हे ठिकाण इतके शांत आहे की तुम्हाला तुमच्या स्वतःच्या हृदयाचे ठोके ऐकू येतात. नवीन वर्षाच्या दिवशी निसर्गाच्या इतक्या जवळ असणे हे एक वरदान आहे.

ही ठिकाणे तुम्हाला केवळ आराम देणार नाहीत तर नवीन वर्षासाठी ताजी आणि सकारात्मक ऊर्जा देखील देतील.