சமூக வலைதளங்களில் தற்போது வைரலாகி வரும் ஒரு வீடியோவில், போக்குவரத்து விதிமீறலுக்காகத் தன்னை மறித்த போலீஸ்காரரிடம் முதியவர் ஒருவர் கூறிய சுவாரஸ்யமான காரணம் பலரையும் சிரிக்க வைத்துள்ளது. ஹெல்மெட் அணியாமல் இருசக்கர வாகனம் ஓட்டி வந்த அந்த முதியவரைப் பிடித்த போலீஸ்காரர், ஏன் ஹெல்மெட் அணியவில்லை என்று கேட்டு அபராதம் விதிக்க முயன்றார்.

அதற்கு அந்த நபர், தனக்கு ஹெல்மெட் அணிய விருப்பம் இல்லை என்பது காரணமல்ல, மாறாகத் தனது தலை அளவுக்குப் பொருத்தமான ஹெல்மெட் சந்தையில் எங்குமே கிடைக்கவில்லை என்ற விசித்திரமான விளக்கத்தை அளித்தார்.

A post shared by Yadav Brajesh BPSC +2 (@brajesh_rajdhan)

“>

இந்த விளக்கத்தைக் கேட்டு வியப்படைந்த போலீஸ்காரர், தன்னுடைய ஹெல்மெட்டையாவது அணிந்து பார்க்குமாறு அவரிடம் கொடுத்தார். ஆனால், அவர் சொன்னது போலவே அந்த ஹெல்மெட் அவரது தலையில் பாதி வரை கூட நுழையாமல் பாதியிலேயே சிக்கிக் கொண்டது.

இதைப் பார்த்த அங்கிருந்த போலீஸ்காரர்களும் மற்றவர்களும் சிரிப்பை அடக்க முடியாமல் திகைத்துப் போயினர். எந்தவித வாக்குவாதமும் இன்றி, மிகவும் எதார்த்தமாகவும் நகைச்சுவையாகவும் நடந்த இந்த உரையாடல், சாலை விதிகள் குறித்த விழிப்புணர்வுடன் ஒரு மெல்லிய சிரிப்பையும் ஏற்படுத்தி இணையத்தில் பெரும் வரவேற்பைப் பெற்றுள்ளது.