காவல்துறையில் பணியாற்றும் அதிகாரிகள் தங்களது பணிச் சுமைக்கு மத்தியிலும் தனித்திறமைகளை வெளிப்படுத்தி வரும் நிலையில், உத்தர் பிரதேசத்தைச் சேர்ந்த காவல் துணை ஆய்வாளர் சந்தீப் சர்மா ஆடிய உற்சாகமான நடனம் தற்போது இணையதளங்களில் வைரலாகி வருகிறது.
View this post on Instagram
A post shared by Sandeep Sharma (@supercop_sharma)
உத்தர் பிரதேச மாநில ஆயுதப்படை தின விழாவின் போது, பாக் மில்கா பாக் திரைப்படத்தில் இடம்பெற்ற ஹவன் கரங்கே என்ற பாடலுக்கு அவர் ஆடிய அதிரடி நடனம் அங்கிருந்தவர்களை வியப்பில் ஆழ்த்தியது. மேடையில் பணியிடை உடையில் தோன்றி, பாடலின் ஒவ்வொரு மெட்டிற்கும் மிக நேர்த்தியாகவும் வேகமாகவும் அவர் ஆடிய விதம் பார்வையாளர்களின் பலத்த கைதட்டல்களைப் பெற்றது.
இன்ஸ்டாகிராம் பக்கத்தில் பகிரப்பட்டுள்ள இந்தக் காணொலி இதுவரை 38 லட்சத்திற்கும் அதிகமான பார்வைகளைப் பெற்றுள்ளதுடன், இரண்டு லட்சத்திற்கும் மேற்பட்டோரின் விருப்பங்களையும் பெற்றுள்ளது. சீருடை அணிந்த அதிகாரியின் இந்த அபார நடனத் திறமையைப் பார்த்த இணையவாசிகள், இது போன்ற கலைத் திறமைகள் பணி அழுத்தத்தைக் குறைக்க உதவும் எனப் பாராட்டி வருகின்றனர்.
