பீகாரில் உயிரிழந்த ஒருவரின் உடலை அவரது உறவினர்கள் தள்ளுவண்டியில் வைத்து எடுத்துச் செல்லும் உருக்கமான வீடியோ சமூக வலைதளங்களில் வைரலாகி வருகிறது. போதிய ஆம்புலன்ஸ் வசதி இல்லாததாலேயே இந்த அவலம் நேரிட்டதாகக் கூறப்படும் நிலையில், இந்தச் சம்பவம் அம்மாநிலத்தின் சுகாதாரக் கட்டமைப்பின் அவல நிலையை வெளிச்சம் போட்டுக்காட்டியுள்ளது.

இந்நிலையில் உயிரிழந்த நபரின் குடும்பத்தினர் மிகுந்த வேதனையுடன் உடலைத் தள்ளுவண்டியில் தள்ளிச் செல்வதைக் கண்ட மக்கள், அரசு நிர்வாகத்தின் மெத்தனப் போக்கிற்கு கடும் கண்டனம் தெரிவித்து வருகின்றனர். இந்த விவகாரம் குறித்து விசாரணை நடத்தியபோது, மருத்துவமனை நிர்வாகம் உரிய வாகன வசதி செய்து கொடுக்கவில்லை என்ற குற்றச்சாட்டு எழுந்தது.