பெங்களூருவில் தங்கிப் படிக்கும் கேரள மாநிலத்தைச் சேர்ந்த கல்லூரி மாணவி ஒருவர், தனது நண்பராலேயே பாலியல் வன்கொடுமைக்கு உள்ளாக்கப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது. பெங்களூருவில் வசிக்கும் கேரள தம்பதியின் மகளான அந்த மாணவி, அங்குள்ள கல்லூரியில் பி.யூ.சி (PUC) இரண்டாம் ஆண்டு படித்து வருகிறார். கடந்த சில தினங்களுக்கு முன்பு, உடன் படிக்கும் மாணவர் ஒருவருடன் இரவு விருந்துக்குச் சென்ற போது தான் இந்த விபரீதம் நிகழ்ந்துள்ளது.

விருந்துக்கு அழைத்துச் சென்று சதி: மாணவியின் நண்பரான அந்த மாணவர், விருந்துக்கு வரும்போது தனது நண்பர்கள் இருவரையும் உடன் அழைத்து வந்துள்ளார். இவர்கள் நால்வரும் பெங்களூரு எலகங்கா பகுதியில் உள்ள விடுதி ஒன்றில் அறை எடுத்துத் தங்கியுள்ளனர். அங்கு அந்த மூன்று இளைஞர்களும் மது அருந்தியுள்ளனர். அப்போது மாணவியையும் அவர்கள் கட்டாயப்படுத்தி மது அருந்த வைத்துள்ளதாகக் கூறப்படுகிறது. மாணவிக்கு இதில் விருப்பம் இல்லாத நிலையிலும், நண்பர்கள் வற்புறுத்தியதால் அவர் மது அருந்த நேரிட்டுள்ளது.

மதுபோதையில் அத்துமீறல்: மது அருந்திய சிறிது நேரத்திலேயே மாணவி நிலைகுலைந்து மயக்கமடைந்துள்ளார். மாணவி சுயநினைவின்றி இருந்ததைப் பயன்படுத்திக்கொண்ட அவரது நண்பர், அந்த அறையிலேயே மாணவியைப் பாலியல் பலாத்காரம் செய்துள்ளார். இதற்கு அவருடன் வந்திருந்த மற்ற இரண்டு நண்பர்களும் உடந்தையாக இருந்துள்ளனர். மயக்கம் தெளிந்து எழுந்த மாணவி, நடந்த கொடூரத்தை அறிந்து அதிர்ச்சியில் உறைந்துள்ளார்.

தலைமறைவான இளைஞர்கள்: பாதிக்கப்பட்ட மாணவி இதுகுறித்து காவல் நிலையத்தில் புகார் அளித்துள்ளார். புகாரைப் பெற்றுக்கொண்ட எலகங்கா போலீசார், வன்கொடுமை மற்றும் அதற்கு உடந்தையாக இருந்தது ஆகிய பிரிவுகளின் கீழ் வழக்குப் பதிவு செய்துள்ளனர். போலீசார் வருவதை அறிந்ததும் அந்த மூன்று இளைஞர்களும் தலைமறைவாகிவிட்டனர். அவர்களைப் பிடிக்கத் தனிப்படை அமைக்கப்பட்டுத் தீவிர தேடுதல் வேட்டை நடைபெற்று வருகிறது. உயர்கல்வி பயில வந்த இடத்தில், நம்பிய நண்பனே இத்தகைய துரோகத்தைச் செய்தது மாணவியின் குடும்பத்தினரிடையே மிகுந்த சோகத்தை ஏற்படுத்தியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ! 5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!