गेल्या अनेक दिवसांपासून सोने आणि चांदीच्या भावात मोठी वाढ होताना दिसत आहे. सोन्याचा भाव तर रोजच वाढत आहे. या भाववाढीमुळे आता सामान्यांना सोन्यात गुंतवणूक करणे कठीण होऊन बसले आहे. असे असतानाच आता सामान्यांना घाम फोडणारी भविष्यवाणी समोर आली आहे. भविष्यात सोन्याचा भाव थेट तीन लाखांच्या पुढे जाण्याची शक्यता व्यक्त केली जात आहे.
सध्या सोन्याचा भाव 1.41 लाक रुपये प्रति 10 ग्रॅम रुपयांवर पोहोचला आहे. पुढच्या काही दिवसांत हा भाव आणखी वाढण्याची शक्यता व्यक्त केली जात आहे. अमेरिकेचे प्रसिद्ध अर्थशास्त्री ईडी यार्डेनी यांनी लवकरच सोन्याचा भाव 3 लाख रुपयांच्याही पुढे जाण्याची शक्यता व्यक्त केली आहे. यार्डेनी यांच्या मतानुसार सोनं भविष्यात चांगलंच महागणार आहे.
यार्डेने यांच्या मतानुसार 2029 या सालापर्यंत सोने 10 हजार डॉलर्स प्रति औंसवर पोहोचण्याची शक्यता आहे. सध्याच्या जागतिक बाजाराचा विचार करायचा झाल्यास सोन्याचा भाव सध्या 4410 डॉलर्स प्रति औंस आहे. यार्डेनी यांची भविष्यवाणी खरी ठरली तर सोने आगामी 2029 सालापर्यंत सोन्याचा भाव 129 टक्क्यांनी वाढण्याची शक्यता आहे.

(टीप- वरच्या लेखात दिलेली माहिती ही प्राथमिक स्वरुपाची आहे. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)