छोट्या पडद्यावरील मालिका या प्रेक्षकांच्या अत्यंत आवडीचा विषय आहेत. काही मालिका कायम प्रेक्षकांच्या लक्षात राहतात. तर काही मालिका लगेच विस्मरणात जातात. या मालिकांमध्ये टीआरपीची चढाओढ पाहायला मिळते. त्यामुळेच मालिकांमध्ये निरनिराळे ट्विस्ट दाखवण्यात येतात. अशाच एका मालिकेत आता भलामोठा ट्विस्ट आला आहे. झी मराठीवरील 'सावळ्याची जणू सावली' या मालिकेत आता सगळ्यात मोठं सत्य उघड होणार आहे. सावलीचं खरी गायिका असल्याचं सत्य आता उघड होणार आहे.

'सावळ्याची जणू सावली' या मालिकेत सावली ही सुरुवातीपासूनच सुंदर गाते असं दाखवण्यात आलं. मात्र तिच्या आवाजाचा गैरफायदा तिचीच शिक्षिका घेते. गुरुदक्षिणा म्हणून ती सावलीचा आवाज स्वतःच्या मुलीचा म्हणून दाखवते. सावलीचं लग्न होतं मात्र मालिका सुरू झाल्यापासून सावलीच्या आवाजचं सत्य कधी बाहेर येणार हे जाणून घेण्यासाठी प्रेक्षक उत्सुक होते. आता अखेर मालिकेत ती घटका समीप आलीये. सावळ्याची जणू सावली या मालिकेचा नवीन प्रोमो समोर आलाय. ज्यात सारंग सावलीच्या आवाजाचं सत्य उघड करतोय.