மத்தியப் பிரதேசத்தைச் சேர்ந்த நிஹால் சிங் என்ற இளைஞர், அந்தமான் எக்ஸ்பிரஸ் ரயிலில் பயணம் செய்தபோது ரயில்வே உணவு விற்பனையாளர்களால் கொடூரமாகத் தாக்கப்பட்ட சம்பவம் அதிர்ச்சியை ஏற்படுத்தியுள்ளது. வைஷ்ணோ தேவியிலிருந்து ஊர் திரும்பிக்கொண்டிருந்த நிஹால் சிங், ஐஆர்சிடிசி (IRCTC) நிர்ணயித்த 110 ரூபாய் சைவ உணவிற்கு 130 ரூபாய் கேட்ட விற்பனையாளர்களைத் தட்டிக் கேட்டுள்ளார். இந்த வாக்குவாதம் முற்றிய நிலையில், ஜான்சி ரயில் நிலையத்தில் வைத்து பெல்ட் மற்றும் தடிகளால் அந்த இளைஞரை உணவு விற்பனையாளர்கள் சரமாரியாகத் தாக்கியுள்ளனர்.