एक धक्कादायक घटना घडली आहे. एका महिलेला तिचा पती दुसऱ्या मुलीबरोबर नको त्या अवस्थेत पाहिले. त्यानंतर महिलेने जे काही केले त्याची संपूर्ण राज्याच चर्चा सुरु आहे. महिलेने सर्वात आधी तिच्या आईला फोन केला. तिला बोलावून घेतले. त्यानंतर घराबाहेर गोंधळ घालायला सुरुवात केली. आजूबाजूचे लोक नेमकं काय झालं हे पाहण्यासाठी जमा झाले होते. पोलीस देखील घटनास्थळी पोहोचले होते.
मिळालेल्या माहितीनुसार, ही घटना पंजाबच्या जालंधर शहरातील बस्ती गुजां परिसरात घडली आहे. येथे एका महिलेने तिचा पती आणि एका मुलीला नको त्या अवस्थेत खोलीत पाहिले. त्यानंतर महिलेने लगेच त्या खोलीला टाळा लावून घेतला. नंतर तिने बस्ती बाबा खेल पोलीस ठाण्याला माहिती दिली. पोलिसांनी घटनास्थळी धाव घेतली आणि टाळा उघडून दोघांना बाहेर काढले. या घटनेनंतर परिसरात बराच वेळ गोंधळ सुरु होता. पोलिस सध्या संपूर्ण प्रकरणाची चौकशी करत असून दोन्ही पक्षांची चौकशी सुरू आहे.
पतीने पत्नीला मारहाण करून घराबाहेर काढले
पीडित महिलेच्या म्हणण्यानुसार, तिचे लग्न दशमेश नगर येथे झाले आहे. गेल्या तीन वर्षांपासून तिचा पती तिच्यावर शारीरिक आणि मानसिक छळ करत होता. दोन दिवसांपूर्वी पतीने तिला मारहाण केली आणि घराबाहेर काढून टाकले. त्यानंतर ती आपल्या माहेरी गेली होती. गुरुवारी ती अचानक आपल्या अडीच वर्षांच्या मुलाचे कपडे घेण्यासाठी घरी परतली, तेव्हा तिने पतीला दुसऱ्या मुलीबरोबर अश्लील अवस्थेत पाहिले. तिने लगेच दोघांना खोलीत बंद केले आणि मोठा गोंधळ घातला.
कुटुंबीय आणि शेजाऱ्यांनी दोघांना मारहाण केली
पीडित कुटुंबाचा आरोप आहे की, दोषीचे वडील एक बीजेपी नेते आहेत, त्यामुळे पोलिस कारवाई करताना विचार करत आहेत. पोलिस जवळपास एक तास उशिरा पोहोचले आणि दोघांना बाहेर काढले. त्यानंतर रागाच्या भरात आलेल्या कुटुंबीयांनी आणि शेजाऱ्यांनी पती व त्या मुलीला मारहाण केली. सध्या पोलिसांनी दोघांना ताब्यात घेतले असून चौकशी सुरू केली आहे.
दरम्यान महिलेच्या आईने सांगितले, “आम्हाला याबाबत काहीच माहिती नव्हती. आमच्या जावयाने आणि त्या मुलीमध्ये काय चालले आहे हे आम्हाला माहिती नव्हते. परवा मला माझ्या मुलीचा फोन आला की तिच्या पतीने तिला मारहाण केली आणि घराबाहेर काढले. जावयाने तिचा फोनही घेऊन टाकला होता. आज मी हे पाहिले. तिने फोन केल्यावर मी इथे आले.”
