सापाचे नाव जरी काढले तरी अनेकांची बोबडी वळते. तसेच एखाद्याला सर्वात विषारी नाग दिसला तर गोंधळ उडतो. पण तुम्हाला माहिती आहे का असे काही उपाय आहेत जे केल्यावर फणा काढलेला नाग देखील शांत होतो. चला जाणून घेऊया त्या उपायांविषयी…


सापासमोर हळूहळू चाला, अचानक हालचाल केल्यास साप घाबरून हल्ला करू शकतो. हळूहळू आणि विचारपूर्वक मागे सरका आणि नागावर नजर ठेवा. हळू चालल्याने सापाला हे संकेत मिळतात की तुम्ही त्याच्यासाठी धोका नाही.
जर तुम्हाला नाग दिसला, तर आजूबाजूच्या लोकांना सावध करा. शेजारी, रस्त्यावर चालणारे किंवा येणारे-जाणारे लोकांना सतर्क करा, यामुळे धोक्यापासून वाचता येईल.
नाग बहुतेक वेळा चेतावणीचे संकेत देतो. अशा वेळी त्याच्या डोक्यावर नजर ठेवा. ते डोक्याने चेतावणी देतात, जसे- फणा उभारणे किंवा शरीर हलवणे.
पूर्णपणे पाठ फिरवून मागे सरकू नका. हळूहळू मागे सरकत राहा जेणेकरून तुम्ही सापाच्या नजरेपासून लांब जाल आणि त्याला घाबरवून न टाकता शांतपणे दूर होता येईल.
जर नाग लोकवस्तीच्या भागात असेल, तर स्थानिक वन्यजीव विभाग किंवा सर्पमित्राशी (स्नेक रेस्क्यू टीम) संपर्क साधा. स्वतः पकडण्याचा प्रयत्न करू नका, तर सर्पमित्राची मदत घ्या. ते लोक सापाला इजा न पोहोचवता सुरक्षित ठिकाणी नेऊ शकतात. (टीप: नाग हा विषारी साप असल्याने नेहमी सावध राहा आणि घाबरून अचानक हालचाल टाळा. धोका वाटल्यास त्वरित मदत मागवा.)