இந்த வீடியோவால், அவரது உடற்தகுதி குறித்த கவலைகள் மீண்டும் எழுந்துள்ளன. கடந்த 2023 முதல் முழங்கால் பிரச்சினையால் தோனி அவதிப்பட்டு வருகிறார். எனினும், அந்த ஆண்டு அவர் ஐந்தாவது ஐபிஎல் பட்டத்தை வென்று கொடுத்த பிறகு, முழங்கால் அறுவை சிகிச்சை செய்துகொண்டார். ஆனாலும் இந்த பிரச்சினை இன்னும் தீரவில்லை. இதனால் அவரது பேட்டிங்கும் பாதித்துள்ளது. அவரால் விரைவாக ஓடி, ஒற்றை மற்றும் இரட்டை ஓட்டங்களை எடுக்க முடியவில்லை.

மேலும் குறிப்பிட்ட நேரத்திற்கு மட்டுமே பேட் செய்ய முடிகிறது. ஐபிஎல் தொடரின் தொடக்கம் முதலே விளையாடி வரும் தோனி, அத்தொடர் வரலாற்றின் மிக மூத்த மற்றும் வெற்றிகரமான வீரர்களில் ஒருவராகத் திகழ்கிறார். இந்த நிலையில் அவர் வலியுடனும், அதேநேரத்தில் சோர்வுடனும் நடப்பதைப் பார்த்த ரசிகர்கள் மிகவும் கவலையில் ஆழ்ந்துள்ளனர். சமீபத்திய சீசன்களில் அவரது ஓய்வு குறித்த வதந்திகள், மற்றும் எதிர் அணி ரசிகர்களின் விமர்சனங்கள் தொடர்ந்து விவாதப் பொருளாகி வருகிறது. இந்த சூழலில் இந்த வீடியோ ரசிகர்களின் கவலையை மேலும் அதிகரித்துள்ளது. அவர், ஓய்வு பெற வேண்டும் எனப் பலரும் வலியுறுத்தி வருகின்றனர்.