இன்று ஏப்ரல் 06 ஆம் தேதி, டெல்லி சட்டமன்ற வளாகத்திற்குள் பாதுகாப்புத் தடுப்புகளை உடைத்துக்கொண்டு அடையாளம் தெரியாத கார் ஒன்று வலுக்கட்டாயமாக நுழைந்ததால் பெரும் பரபரப்பு ஏற்பட்டுள்ளது. முகமூடி அணிந்த நபர் ஓட்டிவந்த கார், 02-வது வாயில் வழியாக உள்ளே நுழைந்து, சபாநாயகர் அலுவலகத்திற்கு அருகே மலர்க்கொத்தை வைத்துவிட்டு, அங்கிருந்து தப்பிச் சென்றுள்ளது.

இந்தச் சம்பவம் குறித்து டெல்லி போலீசார் சிசிடிவி காட்சிகளை ஆய்வு செய்து, விசாரணை நடத்தி வருகின்றனர். இதனையடுத்து, டெல்லி சட்டமன்றத்தில் பாதுகாப்பு எச்சரிக்கை விடுக்கப்பட்டது. இன்று பிற்பகல் சுமார் 02 மணியளவில், முக்கியப் பிரமுகர்களின் நடமாட்டத்திற்காக ஒதுக்கப்பட்ட நுழைவாயில் 02 வழியாக ஓட்டுநர் ஒருவர் வளாகத்திற்குள் வலுக்கட்டாயமாக நுழைந்துள்ளது.

 அந்த நபர் வளாகத்தை விட்டு வெளியேறும் முன் ஒரு விசித்திரமான சைகையைச் செய்ததால், அதிகாரிகள் இந்தச் செயலை மிகவும் அசாதாரணமானது என்று விவரித்துள்ளனர். இதனால் அங்கு பெரும் பரப்பற்று ஏற்பட்டுள்ளது.

பாதுகாப்புக் குழுவினர் அப்பகுதியை உடனடியாகச் சுற்றி வளைத்து, சந்தேகத்திற்கிடமான பொருட்கள் எதுவும் விட்டுச் செல்லப்படவில்லை என்பதை உறுதி செய்வதற்கான சோதனைகளைத் தொடங்கியுள்ளனர். அதிகாரிகளின் கூற்றுப்படி, முகமூடி அணிந்த ஓட்டுநர் வளாகத்திற்குள் நுழைந்த பிறகு தனது வாகனத்திலிருந்து இறங்கி, சபாநாயகர் விஜேந்தர் குப்தாவின் காருக்கு அருகில் உள்ள வராந்தாவில் ஒரு பூங்கொத்தை வைத்துவிட்டு, அவர் மீண்டும் தனது வாகனத்திற்குத் திரும்பி வளாகத்தை விட்டு வெளியே சென்றுள்ளதாக தெரிவித்துள்ளனர்.

பாதுகாப்புச் சோதனைகளுக்காக நிறுவப்பட்டிருந்த தடுப்புக் கதவையும் அந்த வாகனம் உடைத்துக்கொண்டு சென்றுள்ளது. மர்ம நபர் பூங்கொத்து ஒன்றை விட்டுச் சென்ற இந்த அசாதாரணமான செயல் என்றும், இந்த வழக்கு மர்மத்தை ஏற்படுத்தியுள்ளதுடன், ஓட்டுநரின் நோக்கம் குறித்த பதில்களை புலனாய்வாளர்கள் தேடி வருகின்றனர்.