அமெரிக்காவிற்கும் ஈரானுக்கும் இடையே நிலவி வரும் போர் பதற்றங்களுக்கு மத்தியில், ஈரான் நாட்டின் செயல்பாடுகள் மற்றும் அதன் கொடூரமான போக்கு குறித்து அதிபர் டொனால்ட் டிரம்ப் கடுமையான விமர்சனங்களை முன்வைத்துள்ளார்.
மேலும் இந்தப் போரின் முக்கிய நோக்கம் ஈரான் அணு ஆயுதங்களை வைத்திருப்பதைத் தடுப்பதே என்று குறிப்பிட்ட அவர், கடந்த காலங்களில் ஈரான் தனது சொந்த மக்கள் உட்பட பல்லாயிரக்கணக்கானோரை கொன்று குவித்திருப்பதாகக் குற்றம் சாட்டினார்.
இது குறிப்பாக, ஈரானியத் தளபதி சுலைமானி கொல்லப்பட்டது ஈரானின் ராணுவ பலத்தை வெகுவாகக் குறைத்துள்ளதாகவும், அவர் உயிருடன் இருந்திருந்தால் போர்ச் சூழல் இன்னும் சவாலானதாக இருந்திருக்கும் என்றும் டிரம்ப் சுட்டிக்காட்டினார்.
இதனால் ஈரானின் எண்ணெய் வளங்களைக் கைப்பற்றுவதன் மூலம் அந்நாட்டு மக்களின் வாழ்வாதாரத்தை மேம்படுத்த முடியும் என்றும், அதன் மூலம் அமெரிக்கா பெரும் வருவாய் ஈட்ட முடியும் என்றும் டிரம்ப் தனது விருப்பத்தைத் தெரிவித்தார்.
இருப்பினும், போர்க்களத்தில் இருக்கும் அமெரிக்க வீரர்களைப் பாதுகாப்பாகத் தாயகம் திரும்ப அழைக்க வேண்டும் என்பதே அமெரிக்க மக்களின் விருப்பமாக உள்ளது என்பதையும் அவர் ஒப்புக்கொண்டார். அதே சமயம், வெனிசுலா போன்ற நாடுகளுடன் அமெரிக்கா கொண்டுள்ள சுமுகமான உறவையும், அங்கிருந்து எண்ணெய் சுத்திகரிப்புப் பணிகள் சிறப்பாக நடைபெறுவதையும் உதாரணமாகக் குறிப்பிட்யுள்ளார்.
