தமிழக வெற்றிக் கழகத்தின் தலைவர் விஜய் இன்று திருநெல்வேலி மாவட்டத்தில் சூறாவளிப் பிரச்சாரத்தில் ஈடுபட்டார். அப்போது அவருக்குத் தொண்டர்கள் மற்றும் பொதுமக்கள் சார்பில் ஏராளமான பரிசுகள் வழங்கப்பட்டன. அதில் ஒரு சுவாரசியமான நிகழ்வாக, விஜய்க்கு ஒரு வீரவாளும், அதோடு குழந்தைகள் விளையாடும் சிறிய அளவிலான பொம்மை கார் ஒன்றும் பரிசாகக் கொடுக்கப்பட்டது. வீரவாளைக் கம்பீரமாகப் பெற்றுக்கொண்ட விஜய், அந்தச் சிறிய பொம்மை காரைப் பார்த்ததும் ஒரு நிமிடம் ஆச்சரியத்தில் ஆழ்ந்தார்.
அந்தப் பொம்மை காரைத் தனது கைகளில் ஏந்தி, அங்கிருந்த ஒட்டுமொத்த மக்களும் பார்க்கும்படி உயர்த்திப் பிடித்துத் தனது மகிழ்ச்சியை வெளிப்படுத்தினார். “குழந்தை மனசுக்காரன் இந்த விஜய்” எனப் பாராட்டும் வகையில் அமைந்துள்ள இந்தக் க்யூட் வீடியோ, தற்போது எக்ஸ் (X) உள்ளிட்ட சமூக வலைதளங்களில் மிக வேகமாக வைரலாகி வருகிறது. தீவிரமான அரசியல் களத்திலும் விஜய்யின் இந்த மென்மையான அணுகுமுறை ரசிகர்களையும் பொதுமக்களையும் வெகுவாகக் கவர்ந்துள்ளது.
