பல தசாப்தங்களாக இந்திய வீடுகளில் சமையல் என்பது ஒரு குறிப்பிட்ட தாளத்திலேயே நகர்கிறது. சிலிண்டரில் எவ்வளவு கேஸ் இருக்கிறது என்று சரிபார்ப்பது, தீரும் முன்னே முன்பதிவு செய்வது, பரபரப்பான நேரங்களில் கேஸ் தீர்ந்துவிடக் கூடாதே என்று பதற்றமடைவது என இது அன்றாட வாழ்வின் ஒரு அங்கமாகவே மாறிவிட்டது. கோடிக்கணக்கான இந்தியக் குடும்பங்களுக்கு எல்பிஜி (LPG) சிலிண்டர்களே இன்றுவரை ஆதாரமாக உள்ளன. ஆனால், இப்போது அந்த வழக்கத்தில் ஒரு பெரிய மாற்றம் வர தொடங்கியுள்ளது.
நம்பிக்கைக்குரிய பெயரான பாரத் பெட்ரோலியம் கார்ப்பரேஷன் லிமிடெட் (BPCL), இப்போது சிலிண்டர்களைத் தாண்டி குழாய் மூலம் இயற்கை எரிவாயு (PNG - Piped Natural Gas) வழங்கும் சேவையை முக்கிய நகரங்களில் வேகமாக விரிவுபடுத்தி வருகிறது. இது வெறும் மாற்றமல்ல, நவீன சமையலறைகளுக்கான அடுத்தகட்டப் பரிணாமம்.
தடையற்ற சேவை: கேஸ் எப்போது தீரும்? எப்போது புக் செய்ய வேண்டும்? என்ற கவலையே இனி இல்லை. குழாய் வழியாக 24 மணிநேரமும் கேஸ் சப்ளை இருக்கும்.
இடவசதி: சமையலறையில் பெரிய சிலிண்டர்கள் பிடிக்கும் இடத்தை இனி மற்ற பயன்பாட்டிற்கு மாற்றலாம். சமையலறை பார்க்கவும் அழகாக, நேர்த்தியாக இருக்கும்.
பாதுகாப்பு மற்றும் எளிமை: சிலிண்டர்களைத் தூக்கிச் சுமக்கும் சிரமம் இல்லை. கையாளுவதும் மிக எளிது.
காலை நேர அலுவலக அவசரத்தில் சமையல் பாதியில் நின்றுவிடுமோ என்ற பயம் இனி தேவையில்லை. திட்டமிடாத விருந்தினர்கள் வந்தாலோ அல்லது நள்ளிரவில் சமைக்க நேரிட்டாலோ கேஸ் தட்டுப்பாடு என்பது பேச்சிற்கே இடமில்லாத ஒன்றாகிவிடும்.
இந்த புதிய இணைப்பை பெறுவதும் இப்போது மிக எளிது. 'Hello BPCL' மொபைல் செயலி மூலம் உங்கள் பகுதியில் PNG வசதி உள்ளதா எனச் சரிபார்க்கலாம், புதிய இணைப்பிற்கு விண்ணப்பிக்கலாம் மற்றும் அதன் நிலையைத் தொடர்ந்து கண்காணிக்கலாம்.
நிதி ரீதியாகவும் இது ஒரு சிறந்த மாற்றமாகப் பார்க்கப்படுகிறது. முன்கூட்டியே பணம் செலுத்தி சிலிண்டர் வாங்குவதற்குப் பதிலாக, 'பயன்படுத்திய அளவுக்கு மட்டும் பணம் செலுத்தும்' (Pay-as-you-use) முறை இதில் உள்ளது. இது மாத பட்ஜெட்டைத் திட்டமிட மக்களுக்கு உதவுகிறது.
குழாய் வழித்தடம் இன்னும் சென்றடையாத பகுதிகளில் BPCL-இன் எல்பிஜி சிலிண்டர் சேவை எப்போதும் போலத் தொடரும். அதேசமயம், நகர்ப்புறங்களில் வசதி மற்றும் நம்பகத்தன்மையை எதிர்பார்க்கும் மக்களுக்கு பிஎன்ஜி ஒரு வரப்பிரசாதமாக அமைந்துள்ளது.
மக்களின் மாறிவரும் வாழ்க்கை முறைக்கு ஏற்ப, தேவையற்ற சிறு சிறு டென்ஷன்களைக் குறைக்கும் ஒரு 'சைலண்ட் அப்டேட்' ஆக இந்த பிஎன்ஜி சேவை உருவெடுத்துள்ளது. நவீன வீடுகளில் இத்தகைய சிறிய மாற்றங்களே மிகப்பெரிய நிம்மதியைத் தருகின்றன என்பதில் சந்தேகமில்லை!
