தமிழக தேர்தல் களம் அனல் பறந்து வரும் நிலையில், நடிகர் விஜய்யின் அரசியல் வருகை குறித்து விடுதலைச் சிறுத்தைகள் கட்சித் தலைவர் திருமாவளவன் மிகக் கடுமையான விமர்சனங்களை முன்வைத்துள்ளார். தேர்தல் பரப்புரையில் பேசிய அவர், விஜய்யின் ஒரே நோக்கம் திமுக கூட்டணியை வீழ்த்துவதுதான் என்று சாடினார். திமுகவை ஆட்சியில் இருந்து அகற்ற வேண்டும் என்ற எண்ணத்தில் களம் காணும் விஜய், இறுதியில் யாருக்கு லாபத்தை ஏற்படுத்திக் கொடுக்கப் போகிறார் என்ற கேள்வியையும் அவர் எழுப்பினார்.

மேலும், விஜய்யின் செயல்பாடுகள் அனைத்தும் அதிமுக மற்றும் பாஜக-வுக்குச் சாதகமாகவே அமையும் என்று குறிப்பிட்ட திருமாவளவன், “விஜய்க்கு நீங்கள் போடும் ஒவ்வொரு வாக்கும் பிரதமர் மோடிக்கே போய் சேரும்” என்று வாக்காளர்களை எச்சரித்தார். விஜய்க்காக ஆதரவு தெரிவிக்கும் இளைஞர்களும், மக்களும் இதை ஆழமாகச் சிந்தித்துப் பார்க்க வேண்டும் என அவர் பேசிய இந்தக் காணொளி தற்போது சமூக வலைதளங்களில் பெரும் விவாதத்தை ஏற்படுத்தியுள்ளது.