OTT Thriller Webseries: मनोरंजनसृष्टीत ओटीटीची क्रेझ दिवसेंदिवस प्रचंड वाढताना दिसत आहे. त्याला कारणही तसंच आहे. ओटीटीवर प्रदर्शित होणाऱ्या दमदार वेब सीरिज, चित्रपट आणि थरारक कथानकं प्रेक्षक आवर्जून पाहताना दिसतात. अशाच एका भन्नाट क्राइम थ्रिलर वेब सीरिजने सध्या प्रेक्षकांचं लक्ष वेधून घेतलं आहे. ही सीरिज नुकतीच एका लोकप्रिय ओटीटी प्लॅटफॉर्मवर प्रदर्शित झाली असून रिलीज होताच तिने जबरदस्त धुमाकूळ घातलाय. सध्या ही वेब सीरिज ट्रेंडिंगमध्ये नंबर 1 वर गेलीय 

कोणती आहे ही वेब सिरीज?

ज्या वेब सीरिजबद्दल चर्चा सुरू आहे, तिचा पहिला सीझन 2023 मध्ये प्रदर्शित झाला होता. आता नुकताच तिचा दुसरा सीझन प्रेक्षकांच्या भेटीला आला आहे. 10 भागांमध्ये उलगडणारी ही कथा एका एन्काऊंटर स्पेशल पोलिस अधिकाऱ्याभोवती फिरते. या सिरीजचं नाव आहे ‘इन्स्पेक्टर अविनाश सीझन 2.  थरार, अॅक्शन आणि सस्पेन्सने भरलेल्या या सीझनमध्ये मिश्रा समोर यावेळी मोठं आव्हान उभं राहतं. त्यांना तीन नव्या शत्रूंशी सामना करावा लागतो. अवैध शस्त्रास्त्रांची तस्करी करणाऱ्या  संपूर्ण कार्टेलचा पर्दाफाश करण्यासाठी अविनाश मिश्रा जीवाचं रान करतात. मात्र हे शत्रू इतके धूर्त असतात की ते त्यांच्या कुटुंबापर्यंत पोहोचतात. शेवटी इन्स्पेक्टर अविनाश आपल्या शत्रूंचा नायनाट करण्यात यशस्वी होतो का? हे जाणून घेण्यासाठी तुम्हाला जिओ हॉटस्टारवर ‘इन्स्पेक्टर अविनाश 2’ पाहावी लागेल.

 या वेब सीरिजमध्ये रणदीप हुड्डा, उर्वशी रौतेला, जाकीर हुसेन, अमिता सियाल आणि अभिमन्यू यांसारखे दमदार कलाकार महत्त्वाच्या भूमिकांमध्ये दिसत आहेत. उत्तर प्रदेशच्या पार्श्वभूमीवर आधारित असलेली इन्स्पेक्टर अविनाश वेब सिरीज त्याच्या दुसऱ्या सीजनमध्ये थ्रिलरच्या दुनियेत परत आली आहे.  नीरज पाठक दिग्दर्शित ही सिरीज गुन्हेगारी राजकारण आणि वैयक्तिक संघर्ष यांचा परफेक्ट पॅक आहे. दहा भागांच्या या सिरीज मध्ये कलाकारांचा अभिनय आणि कथेतील ट्विस्टमुळे ही वेब सिरीज प्रेक्षकांना खिळवून ठेवते . तगडा अभिनय, यूपीचा खास अंदाज आणि भरपूर ड्रामा यामुळे ही सीरिज अधिकच रंजक बनते. एकदा कथा सुरू झाली की, शेवटपर्यंत नजर हटवणं कठीण होतं.