मुंबई : वरिष्ठ सनदी अधिकारी आणि आपल्या कामाच्या धडाडीमुळे सातत्याने चर्चेत असलेले, तसेच सातत्याने बदलीचा त्रास सहन करणारे तुकाराम मुंढे (Tukaram Mundhe) काही वेळातच अन्न आणि औषध प्रशासनाच्या आयुक्त पदाचा पदभार स्वीकारणार आहे. दीडच महिन्यांपूर्वी तुकाराम मुंढे यांची दिव्यांग विभागातून राज्याच्या आपत्ती व्यवस्थापन, पुनर्वसन व मदत कार्य विभागात बदली करण्यात आली होती. आता पुन्हा त्यांची अन्न आणि औषध प्रशासन खात्यात आयुक्त म्हणून बदली करण्यात आली आहे. तुकाराम मुंढे यांची ही 25वी बदली आहे.
दरम्यान, गेल्या काही काळापासून अन्न आणि औषध प्रशासन खात भ्रष्टाचाराच्या आरोपावरून चर्चेत आले होते. लाचखोरी आणि इतर भ्रष्ट कामांमुळे चर्चेत असलेल्या अन्न आणि औषध प्रशासनात आता आयुक्त म्हणून तुकाराम मुंढेंची बदली करण्यात आली आहे. तसा आदेश राज्य सरकारच्या सामान्य प्रशासन विभागाने जारी केला होता. त्यानुसार आज तुकाराम मुंढे हे अन्न आणि औषध प्रशासनाच्या आयुक्त पदाचा पदभार स्वीकारणार आहे.
बोगस दिव्यांग प्रमाणपत्र मिळवून सरकारी नोकरी; तुकाराम मुंढेंकडून मोठी कारवाई, पण..
या आधी तुकाराम मुंढे यांनी दिव्यांग कल्याण विभागात आयुक्त म्हणून काम करताना मोठी कारवाई केली होती. बोगस दिव्यांग प्रमाणपत्र मिळवून सरकारी नोकरी मिळवलेल्या शेकडो कर्मचाऱ्यांवर त्यांनी निलंबनाची कारवाई केली होती. तुकाराम मुंढेंची ही साफसफाईची कामं सुरू असतानाच त्यांची बदली करण्यात आली. 31 मार्च रोजी त्यांच्या बदलीचे आदेश जारी करण्यात आले आणि दिव्यांग विभागातील बोगस अधिकाऱ्यांवरची कारवाईही थांबली. त्यानंतर मुंढे यांची राज्याच्या आपत्ती व्यवस्थापन आणि पुनर्वसन मदत कार्य विभागात बदली करण्यात आली. या बदलीला दीड महिनेही उलटून जात नाहीत तोपर्यंत आता पुन्हा एकदा त्यांच्या बदलीचे आदेश जारी करण्यात आले आहेत.
ऑगस्ट 2025: सचिव, दिव्यांग कल्याण आयुक्तालय, मंत्रालय
इतर महत्वाच्या बातम्या
