फेब्रुवारी महिन्याच्या अखेरीपासून अमेरिका-इस्रायल-इराण युद्ध भडकलं आणि अख्ख्या जगात त्याचे पडसाद उमटले. मात्र अखेरीस हा तणाव, संघर्ष निवळताना दिसत असून अमेरिका आणि इराण यांच्यात अखेरीस शांतता कराराबाबत सहमती झाली आहे. दोन्ही देशांमध्ये कराराबाबत अमेरिकेचे राष्ट्राध्यक्ष डोनाल्ड ट्रम्प यांनी घोषणा केली .त्याचा मोठा परिणाम जागतिक बाजारपेठेवर झाला. शेअर मार्केट वधारल, कच्च्या तेलाच्या किमती घसरल्या आणि या घोषणेचा सोन्या चांदीच्या दरांवरही मोठा परिणाम झाला.

जागतिक घडामोडींचे देशांतर्गत परिणाम दिसून येतात. देशातील विविध भागांतील सोन्याचे आणि चांदीचे दरही सतत वरखाली होत असतात. आता जळगावच्या सराफा बाजारातून मोठी अपडेट समोर आली असून सोनं आणि चांदीचे दर वाढल्याने ग्राहकांची चिंता मात्र वाढली आहे.
जळगावच्या सराफ बाजारात सोन्याच्या दरात तब्बल 3 हजार रुपयांची वाढ झाली आहे. तर याच बाजारात चांदीची चमकही वाढलू असून चांदीचे दर तर तब्ब्ल 6 हजार रुपयांनी वाढले आहेत.

तसेच चांदीचे दर 6 हजार रुपयांनी वाढल्यामुळे आता 1 किलो चांदीची किंमत जीएसटीसह 2 लाख 61 हजार 620 रुपये इतकी झाली आहे. चांदीची चमक आणि किंमतही वाढल्याने ग्राहकांना मोठा भार सहन करावा लागू शकतो.