France vs Senegal Fifa World Cup 2026 Marathi News: किलियन एमबापेने ( Kylian Mbappe ) दोन सोपे प्रयत्न गमावल्यानंतर अखेर फ्रान्ससाठी विजयी गोल केला. मात्र, मुंबईपेक्षा कमी लोकसंख्या असलेल्या सेनेगल संघाने गत उपविजेत्या आणि २०१८च्या विजेत्या संघाला चांगलेच झुंजवले होते. पण, पहिल्या हाफमध्ये रटाळ खेळ करणाऱ्या फ्रान्सने मध्यंतरानंतर गती पकडली अन् एमबापेच्या २ गोलच्या जोरावर ३-१ अशी बाजी मारली. एमबापेने या गोलच्या जोरावर अर्जेंटिनाचा दिग्गज लिओनेल मेस्सी ( Lionel Messi) याच्यासह आणखी दोन विक्रम मोडले. तो फ्रान्सकडून सर्वाधिक आंतरराष्ट्रीय आणि सर्वाधिक वर्ल्ड कप गोल करणारा खेळाडू ठरला.

सेनेगल संघाने २००२ मध्ये आपल्या पहिल्याच वर्ल्ड कप स्पर्धेत पदार्पणाच्या सामन्यात बलाढ्य फ्रान्सवर १-० असा विजय मिळवून जगाला दखल घेण्यास भाग पाडले होते. त्यानंतर जवळपास दोन कोटी लोकसंख्या असलेल्या आफ्रिकन देशाला हलक्यात कुणी घेतले नाही. आपला चौथा वर्ल्ड कप खेळायला मैदानावर उतरलेल्या सेनेगलने २००२ च्या आठवणी ताज्या केल्या. सामन्याच्या दुसऱ्याच मिनिटाला गोलजाळीवर हल्ला करताना सेनेगलने गतउपविजेत्यांना आक्रमकता काय असते हे दाखवून दिले. पण, या सामन्यात सर्वांचे लक्ष लागलेले, ते किलियन एमबापे याच्यावर...