“கடை அடைக்குற டைம் இன்னும் ஆகலையே , அதுக்குள்ள சரக்கு இல்லைன்னு சொன்னா எனக்கு எவ்வளவு கோபம் வரும், அதான் பெட்ரோல் ஊத்தி கொளுத்திட்டேன் !” என்று போதை ஆசாமியின் வெறிச்செயல் குறித்துப் பொதுமக்கள் அதிர்ச்சியோடு விவரித்துள்ள நிலையில், ஜார்கண்ட் மாநிலத் தலைநகர் ராஞ்சியில் கடை அடைக்கும் நேரத்திற்கு முன்பாகவே மதுபானம் தர மறுத்த ஊழியர்கள் மீது ஆத்திரமடைந்த வாலிபர் ஒருவர், ஒட்டுமொத்த வைன் ஷாப்பிற்கும் பெட்ரோல் ஊற்றித் தீ வைத்த கொடூரச் சம்பவம் நாடு முழுவதும் பெரும் அதிர்வலைகளை ஏற்படுத்தியுள்ளது.

ராஞ்சியின் பாண்ட்ரா பகுதியில் அமைந்துள்ள அரசு அங்கீகாரம் பெற்ற ஒரு மதுபானக் கடைக்கு நள்ளிரவில் வந்த வாலிபர், மது கேட்டுள்ளார்; ஆனால் அங்கிருந்த ஊழியர்கள் சரக்கு தீர்ந்துவிட்டதாகக் கூறியுள்ளனர்.

இதனால் ஆத்திரத்தின் உச்சிக்கே சென்ற அந்தப் போதை ஆசாமி, கண் இமைக்கும் நேரத்தில் தான் கொண்டு வந்திருந்த கேனில் இருந்த பெட்ரோலை கடையின் ஷட்டர் மீது சரமாரியாக ஊற்றி, தீக்குச்சியைப் பற்றவைத்துக் கொளுத்திவிட்டு அங்கிருந்து தப்பியோடியுள்ளார்.