Welcome To The Jungle Amruta Fadnavis Latest Song: बॉलिवूडचा (Bollywood News) खिलाडी अक्षय कुमार (Akshay Kumar) याचा आगामी सिनेमा 'वेलकम टू द जंगल' (Welcome To The Jungle) लवकरच थिएटर्समध्ये रिलीज केला जाणार आहे. 'वेलकम' फ्रँचायझीच्या या भागाबद्दल प्रेक्षकांमध्ये आधीपासूनच मोठी उत्सुकता होती आणि नुकत्याच प्रदर्शित झालेल्या ट्रेलरमुळे ती अधिकच वाढली आहे. आता, चित्रपट प्रदर्शित होण्यास अवघे आठ दिवस बाकी असताना, निर्मात्यांनी 'दीवाने हैं' (Deewane Hain) हे आणखी एक जबरदस्त गाणं प्रदर्शित केलंय. या सिनेमातील अनेक कलाकारांच्या फौजेमध्ये रवीना आणि अक्षय यांची जोडी विशेषतः प्रेक्षकांचं लक्ष वेधून घेतेय.

पण, या सिनेमात आणखी एक महत्त्वाची गोष्ट आहे. ती म्हणजे, सिनेमातलं महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता फडणवीस आणि आनंद राज आनंद यांनी गायलेलं गाणं. हे गाणं प्रेक्षकांच्या जुन्या आठवणींना उजाळा देईल अशी अपेक्षा आहे. 'रक्षिता रक्षिता' (Rakshida Rakshida) या काश्मिरी लोकगीताचा बहारदार बाज असलेल्या या धमाकेदार गाण्यात अक्षय कुमारसोबत रवीना टंडन, दिशा पाटनी आणि जॅकलीन फर्नांडिस हे कलाकार झळकलेत.

गाण्यावर नेटकऱ्यांच्या प्रतिक्रिया (Amruta Fadnavis Latest Song)

'रक्षिता रक्षिता' गाण्यावर प्रतिक्रियांचा वर्षाव होतोय. एका व्यक्तिनं म्हटलंय की, "इतरांचं काय माहीत नाही, पण 'घिस घिस' हे गाणं थिएटर्समध्ये प्रचंड गाजणार आहे..." एका युजरनं म्हटलंय की, "रिमेकबद्दलच्या तक्रारी आता थांबल्या पाहिजेत; हे किती अप्रतिम असं ओरिजिनल गाणं आहे..." आणखी एकानं म्हटलंय की, "हे गाणं चार्टबस्टर ठरेल..." एका युजरला असं वाटतंय की, "हे गाणं केवळ अक्की आणि रवीना यांच्यावर चित्रित व्हायला हवं होतं..." एका युजरनं नमूद केलंय, "यातून 90 च्या दशकाची आठवण येते आणि गाण्यातील सर्व पात्र उत्कृष्ट आहेत..." आणखी एका चाहत्यानं म्हटलंय, "खूप दिवसांनी एक अस्सल गाणं ऐकायला मिळतंय, आनंद राज आनंद यांनी कमाल केलीय..." आणखी एका युजरनं भर घातली, "आनंद राज आनंद यांनी 90 आणि 2000 च्या दशकात आपल्याला असंख्य आठवणी दिल्या, बॉलिवूडचे सर्वात कमी कौतुक झालेलं पण यशस्वी गाणी देणारे संगीतकार अखेर परतलेत. या गाण्याला आणि त्यांच्या या पुनरागमनाला अपेक्षित असं सर्व यश मिळो..."

रवीनासोबतची अक्षय कुमारची केमिस्ट्री (Ravina Tondon Akshay Kumar Song)

'रक्षिता रक्षिता' गाण्यातील रवीना आणि अक्षय कुमार यांची केमिस्ट्री सर्वांनाच खूप आवडत आहे. हे गाणं सर्वार्थानं जुन्या आठवणींना उजाळा देतं, अनेकांनी असं म्हटलंय की, यामुळे त्यांना त्यांच्या भूतकाळातील रोमँटिक क्षणांच्या आठवणी पुन्हा ताज्या झाल्या आहेत.

दरम्यान, 'वेलकम टू द जंगल' सिनेमात मोठी स्टारकास्ट आहे. अक्षय आणि रवीनासोबत, जॅकलीन, दिशा पटानी, सुनील शेट्टी, अर्शद वारसी, जॅकी श्रॉफ, परेश रावल, लारा दत्ता, फरीदा जलाल, जॉनी लिव्हर, श्रेयस तळपदे, तुषार कपूर, राजपाल यादव, कृष्णा अभिषेक, मेहेताब, शिवदास, कृष्णा अभिषेक, दलाल शेट्टी, श्रेयस तळपदे असे अनुभवी कलाकार आहेत. तिवारी, यशपाल शर्मा, किरण कुमार, झाकीर हुसेन, विंदू दारा सिंह आणि उर्वशी रौतेला यांच्या महत्त्वाच्या भूमिका आहेत.

पाहा दिवाने हैं गाणं :

Ranbir Kapoor Ramayana Clash With Rajinikanth Jailer 2: 4000 कोटींच्या 'रामायण'ची 'थलाइवा'शी टक्कर? दिवाळी 2026 ला बॉक्स ऑफिसवर 'महाक्लॅश', चाहत्यांची उत्सुकता शिगेला, तर निर्मात्यांना घाम फुटला

ABP Majha च्या बातम्या LIVE