தமிழ் திரையுலகின் உச்ச நட்சத்திரமாக உலா வருபவர் நடிகர் விஜய். இவர் தமிழக வெற்றிக் கழகத்தை தொடங்கிய போதே திரைப்படங்களில் இருந்து நடிப்பதில் இருந்து முழுமையாக ஒதுங்கிக் கொள்வதாக அறிவித்தார். விஜய் கட்சி தொடங்கியது அவரது ரசிகர்கள் மத்தியில் மிகப்பெரிய மகிழ்ச்சியை உண்டாக்கினாலும், அவர் திரைப்படங்களில் இருந்து நடிப்பதில் இருந்து ஒதுங்கியது மிகப்பெரிய வேதனையை உண்டாக்கியது.
இந்த சூழலில், விஜய்யின் கடைசி படமான ஜனநாயகன் நேற்று வெளியானது. கடந்த பொங்கல் பண்டிகைக்கு வெளியாக வேண்டிய திரைப்படமான இந்த ஜனநாயகன் பல்வேறு நெருக்கடிகளுக்கு பிறகு நேற்று வெளியானது. இந்த படத்தை விஜய் ரசிகர்கள் கொண்டாடி வருகின்றனர்.
ரஜினி - கமலுக்கு பிறகு தமிழ் சினிமாவை ஆண்டவர்கள் விஜய் - அஜித் இருவர் ஆவார்கள். ரஜினி - கமல் மிகவும் நெருங்கிய நண்பர்களாக இருந்தபோத அவரது ரசிகர்கள் மோதிக்கொண்டனர். விஜய் - அஜித் ரசிகர்கள் மோதல் அதை விட அதிகளவு இருந்து வந்தது. இணைய வளர்ச்சிக்கு பிறகு விஜய் - அஜித் ரசிகர்கள் மோதல் சமூக வலைதளங்களையே அதிரவைக்கும் அளவிற்கு இருக்கும்.
குறிப்பாக, விஜய் படம் வெளியாகும்போது இணையத்தில் அஜித் ரசிகர்கள் விஜய் ரசிகர்களை தாக்குவதும், அஜித் படம் வெளியாகும்போது இணையத்தில் விஜய் ரசிகர்கள் அஜித் ரசிகர்களை தாக்குவதும் வழக்கமாக இருந்து வந்தது. இது மிகவும் எல்லை மீறி செல்வதும் இருந்து வந்தது.
ஆனால், விஜய் கட்சி தொடங்கிய பிறகு விஜய் - அஜித் ரசிகர்கள் மோதல் என்பது முற்றிலும் மாயமாகிவிட்டது என்று கூறலாம். இந்த சூழலில், விஜய்யின் கடைசி படமான ஜனநாயகன் வெளியான பிறகும் இணையத்தில் அஜித் ரசிகர்கள் எந்தவித எதிர்மறை கருத்தையும் வெளியிடாமல் மிகவும் அமைதியாக ஒதுங்கிக் கொண்டனர்.
விஜய் - அஜித் ரசிகர்கள் மோதல் இருந்து திரைப்படங்களில் மோதி வந்தாலும், விஜய் கட்சி தொடங்கிய பிறகு அஜித் ரசிகர்களின் ஆதரவு அவர்களுக்கு மிகப்பெரிய அளவில் தேவைப்பட்டது. அதற்கு ஏற்றவாறு விஜய் - அஜித் இருவரும் இணைந்து இருக்கும் புகைப்படங்கள் பல இடங்களில் காணப்பட்டது.
மேலும், விஜய்க்கு எதிராக திரையுலகில் இருந்து பலரும் நேரடியாகவும் மறைமுகமாகவும் கருத்துக்களைத் தெரிவித்தபோதும் திரையுலகில் அவரது நேரடி போட்டியாளரான அஜித் எந்தவித எதிர்ப்பையும் தெரிவிக்கவில்லை. குறிப்பாக, கரூர் விவகாரத்தில் விஜய்யை பலரும் மிகவும் மோசமாக விமர்சித்த சூழலில், அஜித் இந்த விவகாரத்தில் தெரிவித்த கருத்திற்காக விஜய் ரசிகர்கள் அவருக்கு நன்றி தெரிவித்தனர்.
திரையுலகில் மிகவும் மோசமான முறையில் விஜய் ரசிகர்கள் அஜித் ரசிகர்கள் மோதல் நடந்தபோதிலும், அரசியல் ரீதியாக விஜய்யை அஜித் எந்தவொரு வகையிலும் விமர்சிக்காதது விஜய் ரசிகர்களுக்கு அஜித் மீது பன்மடங்கு மதிப்பை உண்டாக்கியது. மேலும், விஜய் அரசியலுக்குச் சென்றுவிட்ட நிலையில், அஜித்தும் கார் ரேஸில் தனது கவனத்தைச் செலுத்தி வருகிறார்.
மிகப்பெரிய ஜாம்பவான்களாகிய இவர்கள் இருவரும் திரையுலகை விட்டு ஒதுங்கியிருப்பதாலும், விஜய்யின் கடைசி படம் என்பதாலும் ஜனநாயகன் படத்தை அஜித் ரசிகர்கள் எந்த விமர்சனமும் செய்யாமல் ஒதுங்கிக் கொண்டனர். அஜித் ரசிகர்களின் இந்த செயலை விஜய் ரசிகர்கள் பாராட்டியும், நன்றி தெரிவித்தும் வருகின்றனர்.
