Pakistan Vs England Joe Root Record : पाकिस्तान आणि इंग्लंड यांच्यातील तिसरा कसोटी सामना सुरू आहे. तिसऱ्या कसोटीच्या पहिल्याच दिवशी इंग्लंडचा स्टार फलंदाज जो रूटने एक मोठा विक्रम केला. जो रूट हा इंग्लंडकडून कसोटी क्रिकेटमध्ये सर्वाधिक धावा करणारा खेळाडू ठरला आहे. त्याने इंग्लंडचा माजी कर्णधार एलिस्टर कूकला मागं टाकलं आहे. कूकने इंग्लंडकडून कसोटीत सर्वाधिक १२, ४७२ धावा केल्या होत्या. मात्र रूटने पहिल्या दिवसाच्या पहिल्या सत्रात ७२ धावांची खेळी करत कूकचा हा विक्रम मोडला. इंग्लंडने ४५ षटकातच २ बाद २३२ धावांपर्यंत मजल मारली आहे.
जो रूट आता कसोटी क्रिकेटमध्ये जगात सर्वाधिक धावा करणाऱ्या खेळाडूंच्या यादीत पाचवे स्थान पटकावलं आहे. जो रूटच्या पुढे रिकी पाँटिंग, जॅक कॅलिस, राहुल द्रविड आणि सचिन तेंडुलकर आहेत. सचिन तेंडुलकरने कसोटी क्रिकेटमध्ये १५, ९२१ धावा केल्या आहेत.
हेही वाचा : Shark Tank Kunal Bahl : स्विगीची मोठी खेळी, झोमॅटोच्या CEO ला चांगलीच झोबंली; आता शार्कटँकमध्ये होणार स्नॅपडीलच्या कुणाल बहल यांची एन्ट्री
Sachin Tendulkar : सचिनच्या रेकॉर्डला धोका?सचिन तेंडुलकरचे हे कसोटीतील सर्वाधिक धावांचे रेकॉर्ड हे कधीही मोडलं जाऊ शकत नाही असं बोललं जातं. मात्र आता जो रूट हा सचिन तेंडुलकरचे रेकॉर्ड मोडण्याची शक्यता निर्माण झाली आहे. कसोटी क्रिकेटमध्ये जो रूट सध्या खोऱ्याने धावा करत आहे. त्याचे धावा करण्यातील सातत्य वाखाण्याजोगं आहे. तो जगाच्या पाठीवर कुठही आणि कोणत्याही खेळपट्टीवर धावा करण्यात सक्षम आहे.
जो रूट हा फक्त ३३ वर्षांचा आहे. त्याच्याकडे अजून कसोटी क्रिकेटमध्ये बराच वेळ आहे. त्यामुळेच इंग्लंडचा माजी कर्णधार मायकल वॉनला जो रूटच सचिन तेंडुलकरचे रेकॉर्ड मोडू शकतो असा विश्वास आहे.
View this post on Instagram
हेही वाचा : OTT वर पुन्हा पुन्हा पाहिला जातो 'हा' बोल्ड कंटेट; यात कियाराच्याही सिरीजचा समावेश
मायकल वॉगन म्हणतो की, 'जो रूटचं क्रिकेटवर प्रेम आहे. तो एलिस्टर कूक सारखा नाही. कूकने सहा वर्षापूर्वी निवृत्ती घेतली होती. त्याने ३३ व्या वर्षीच निवृत्ती घेतली होती. मात्र रूट अजूनही किल्ला लढवत आहे. तो अँडरसन सारखा आहे. त्याला अजून बरीच मजल मारायची आहे. त्याला ऑस्ट्रेलियात शतकी खेळी करायची आहे. मी त्याला ऑस्ट्रेलियात फलंदाजी करताना पाहिलं आहे. मला त्यात काही तांत्रिक दोष आढळला नाही. त्याला फक्त शतकी मजल मारणं जमलं नाहीये.'
वॉन पुढे म्हणाला, 'रूट हा आताच लेजंड झाला आहे. तो इंग्लंडचा ग्रेटेस्ट बॅट्समन आहे. क्रिकेटच्या सर्व फॉरमॅटमध्ये त्याच्यासारखा खेळ कोणी करू शकत नाही. रूट जेवढा जास्त काळ खेळेल तेवढा तो सचिनच्या जवळ जाईल. मला खात्री आहे की जो रूट कसोटी क्रिकेटमध्ये सचिनचे सर्वाधिक धावांचे रेकॉर्ड मोडेल. रूट जरी ग्रेट खेळाडू असला, एवढ्या रन्स करत असला तरी तो हसतमूख असतो. युवा खेळाडूंसमोरचा हा एक चांगला आदर्श आहे.'