ஆண்டுதோறூம் கிரேட் இண்டியன் ஃபெஸ்டிவல், பிக் பில்லியன் டேஸ் என்று ஆன்லைன் தளங்கள் ஆஃபர் அறிவிக்கும் சில தினங்கள் இருக்கின்றன. தீபாவளி, பொங்கல் என விழாக்காலங்களில் சில தள்ளுபடிகள் இருப்பது வழக்கம்தான். ஆனால் 99% அதிகமான தள்ளுபடியா?
80,000 ரூபாய் மதிபுள்ள ஆப்பிள் வாட்ச் ரூ.500, ரூ.46,000 மதிப்புள்ள சாம்சங் மொபைல் ரூ.850 எனப் பல பொருள்களுக்கு தாறுமாறு தள்ளுபடிகளை அறிவித்துள்ளது ஃப்ளிப்கார்ட் போன்றே தோற்றமளிக்கும் ஓர் போலி வலைத்தளம்.
நம்பமுடியாத ஆஃபர்களை வழங்கிய அந்த தளம் ஃப்ளிப்கார்ட் என்ற பெயரிலேயே இருக்கும். பிக் பில்லியன் டேஸ் தள்ளுபடிக்கான முத்திரை இருக்கும். ஆனால் இது ஃப்ளிப்கார்ட் இல்லை.
Fake Website
இந்த வலைத்தளம் ஃப்ளிப் கார்ட் போலவே தோற்றமளித்தாலும் இதன் URL exclisivese.live என்று இருக்கும். வேறு போலி வலைத்தளங்களில் வேறு URL இருக்கலாம். flipkart.com என்ற URL மட்டுமே உண்மையானது. ஆனால், நாம் எத்தனை முறை லிங்க் ஒன்றைக் கிளிக் செய்து வலைத்தளத்துக்குச் செல்லும்போது URL-ஐ செக் செய்கிறோம்...
URL பார்க்காவிட்டாலும் இது போலி என்பதைக் கண்டறிய பல வழிகள் இருக்கின்றன. க்ளிக் செய்தாவரும் டீல்ஸ் பக்கத்தைத் தவிர, எலக்ட்ரானிஸ், ஃபேஷன் போன்ற தலைப்புகளை க்ளிக் செய்தால் அவை க்ளிக் ஆகாது. இதை வைத்தே இது போலி என கண்டறியலாம்.
எல்லா பொருள்களும் 99% தள்ளுபடி என போடப்பட்டிருக்கும். ஆனால் அதன் விலையையும் ஆஃபர் விலையையும் ஒப்பிட்டால் கணக்கு சரியாக இருக்காது. இதுவும் ஒரு ஓட்டைதான். இது எதையும் கண்டுகொள்ள முடியாதபடி ஆஃபரால் ஈர்க்கப்பட்டு க்ளிக் செய்தீர்கள் என்றால் என்ன நடக்கும் தெரியுமா?
நீங்கள் எதாவது பொருளை வாங்க முயன்றால் அது உங்களை மற்றொரு வலைப்பக்கத்துக்கு எடுத்துச் செல்லும். அங்கு உங்கள் பெயர், முகவரி, தொலைபேசி எண் போன்ற தகவல்களைக் கேட்கும். எந்த ஒரு வலைதளத்திலும் உங்கள் தகவல்களை குறிப்பிடும் போது மிகவும் கவனமாக ஒன்றுக்கு இரண்டுமுறை வலை தளத்தை செக் செய்ய வேண்டும்.
ஏனென்றால் இங்கு உங்களது தகவல்கள் திருடப்பட்டு மொத்தமாக விற்கப்படும் அல்லது மற்ற பொருளாதார குற்றங்களில் ஈடுபட பயன்படும். உங்கள் தகவல்களை கொடுத்து உள்ளே சென்றால்...
நீங்கள் அடிக்கடி ஃப்ளிப்கார்ட் உபயோகிப்பவராக இருந்தால் இதுபோன்ற அதன் பேமென்ட் பக்கத்தைப் பார்த்ததும் போலி என்பதைக் கண்டுபிடித்துவிடுவீர்கள். பெரும்பாலும் போலி வலைத்தளங்களில் கேஷ் ஆன் டெலிவரிக்கான ஆப்ஷனே இருக்காது. யு.பி.ஐ மட்டுமே ஒரே வழியாக இருக்கும்.
Cyber Security
பெரும்பாலும் போலி வலைத்தளங்கள் நேரடியாக உங்களிடம் இருந்து பணத்தைப் பெருவதில்லை. மாறாக உங்கள் தகவல்களை மட்டுமே திருடும். அதன்பிறகு நீங்கள் சைபர் குற்றங்களுக்கான இலக்குகளாக மாறிவிடுவீர்கள்!
ஃப்ளிப்கார்ட் மட்டுமல்லாமல் அமேசான் உள்ளிட்ட பல ஷாபிங் வலைத்தளங்களின் பெயரில் போலி வலைத்தளங்கள் செயல்படுகின்றன. கேரளா சைபர் காவல்துறை இதுவரை 155 போலி வலைத்தளங்களை முடக்க நடவடிக்கை எடுத்துள்ளனர்.
போலி வலைத்தளங்களில் பணத்தை இழந்தவர்கள் உடனடியாக (ஒரு மணி நேரத்துக்குள்) புகார் அளித்தால், பணத்தை மீட்பதற்கான வாய்ப்புகள் அதிகம் எனக் கூறியுள்ளனர் கேரள காவலர்கள்.
Junior Vikatan-ன் பிரத்யேக Whatsapp Group...
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
