आलिया भट्ट व्हॅनिटी व्हॅनची किंमत
बॉलिवूड अभिनेत्री आलिया भट्टची लक्झरी व्हॅनिटी व्हॅन शाहरुखची पत्नी गौरी खानने तयार केली आहे. या व्हॅनच्या फ्लोअरमध्ये लाकडाचा वापर करण्यात आला आहे, याशिवाय या व्हॅनमध्ये एक छोटेसे किचन, वॉशरूम, आरामदायी सिंगल बेड आणि ब्राऊन टोन ड्रेसिंग रूम आहे. रिपोर्ट्सनुसार, आलिया भट्टच्या पहिल्या व्हॅनची किंमत 48 लाख रुपये आणि दुसऱ्या व्हॅनची किंमत 75 लाख रुपये आहे.

सलमान खान व्हॅनिटी व्हॅनची किंमत
दबंग स्टार सलमान खानची स्टायलिश आणि लक्झरी फीचर्स असलेली व्हॅनिटी व्हॅन कार डिझायनर दिलीप छाब्रिया यांनी डिझाईन केली आहे. या व्हॅनमध्ये सलमान खानचे पोर्ट्रेट चित्र आणि त्याने बनवलेले पेंटिंग आहे. या व्हॅनमध्ये रिहर्सल रूम, मीटिंग रूम आणि बेडरूम आहे. आरामदायी पलंग, स्वयंपाकघर आणि संगीत व्यवस्था आहे. रिपोर्ट्सनुसार या व्हॅनची किंमत 4 कोटी रुपये आहे.

अक्षय कुमार व्हॅनिटी व्हॅनची किंमत
वृत्तानुसार, बॉलिवूड अभिनेता अक्षय कुमारच्या व्हॅनिटी व्हॅनची किंमत सुमारे 5 कोटी रुपये आहे. या व्हॅनिटी व्हॅनचे इंटीरियर व्हाइट कलर टोनमध्ये डिझाइन करण्यात आले आहे. याशिवाय रिक्लायनर चेअर, मेकअप रूम अशा अनेक आवश्यक गोष्टी या व्हॅनमध्ये आहेत.

कपिल शर्मा व्हॅनिटी व्हॅनची किंमत
लक्झरी कार्स व्यतिरिक्त कपिल शर्माकडे दिलीप छाब्रिया यांनी डिझाइन केलेली व्हॅनिटी व्हॅन देखील आहे. आलिशान इंटिरिअर असलेल्या या व्हॅनिटी व्हॅनमध्ये रिक्लाइनिंग खुर्च्यांसह अनेक लक्झरी सुविधा देण्यात आल्या आहेत. रिपोर्ट्सनुसार, कपिल शर्माच्या या व्हॅनिटी व्हॅनची किंमत जवळपास 5 कोटी 50 लाख रुपये आहे.

शाहरुख खान व्हॅनिटी व्हॅनची किंमत
बॉलिवूड अभिनेता शाहरुख खानची व्हॅनिटी व्हॅन ऑटो डिझायनर दिलीप छाब्रिया यांनी डिझाईन केली आहे. या व्हॅनमध्ये लाकडी काम करण्यात आले असून किंग खानला लागणाऱ्या सर्व वस्तू या व्हॅनमध्ये देण्यात आल्या आहेत. वृत्तांवर विश्वास ठेवला तर या व्हॅनची किंमत 4 कोटी रुपये आहे.