भारत विरुद्ध दक्षिण आफ्रिका यांच्यातील टी20 मालिकेला 8 नोव्हेंबरपासून सुरुवात होत आहे. सूर्यकुमार यादवच्या नेतृत्वाखाली भारतीय संघ 4 सामन्यांच्या या मालिकेसाठी दक्षिण आफ्रिकेत पोहोचला आहे. पहिला सामना डर्बनमधील किंग्समीड येथे होणार आहे. या सामन्यात सूर्यकुमार मोठी कामगिरी आपल्या नावावर करू शकतो. तो टी20 क्रिकेटमधील दोन महान फलंदाजांच्या क्लबमध्ये सामील होण्यापासून काही अंतरावर आहे.

जर सूर्यकुमार यादव दक्षिण आफ्रिकेतील पहिल्या टी20 मध्ये 6 षटकार मारण्यात यशस्वी ठरला तर तो रोहित शर्मा आणि मार्टिन गप्टिल यांच्या क्लबमध्ये सामील होईल. वास्तविक, सूर्या या फॉरमॅटमध्ये आपले 150 षटकार पूर्ण करेल आणि हा आकडा गाठणारा केवळ तिसरा क्रिकेटपटू ठरेल. आतापर्यंत फक्त रोहित शर्मा आणि मार्टिन गुप्टिल हेच ही कामगिरी करू शकले आहेत. टी20 आंतरराष्ट्रीय क्रिकेटमध्ये सूर्यकुमारच्या नावावर सध्या 144 षटकार आहेत.

सूर्यकुमार यादव टी20 इंटरनॅशनलमध्ये सर्वाधिक षटकार मारणारा तिसरा फलंदाज आहे. रोहित शर्मा आणि मार्टिन गप्टिलनंतर 144 षटकार मारून त्याने हे स्थान पटकावले आहे. या फॉरमॅटमध्ये रोहित शर्मा 205 षटकारांसह अव्वल स्थानावर आहे. त्याचबरोबर न्यूझीलंडचा दिग्गज फलंदाज मार्टिन गप्टिल 173 षटकारांसह यादीत दुसऱ्या स्थानावर आहे. निकोलस पूरन (144) आणि जोस बटलर (137) अनुक्रमे चौथ्या आणि पाचव्या स्थानावर आहेत.

सूर्यकुमार यादवची फलंदाजी सर्वांनाच माहीत आहे. पहिल्याच चेंडूपासून चौकार आणि षटकार मारण्यात तो माहीर आहे. सूर्याकडे मैदानात मोठे फटके मारण्याची ताकद आहे, त्यामुळे त्याला मिस्टर 360 असेही म्हटले जाते. अशा परिस्थितीत दक्षिण आफ्रिका मालिकेतही त्याच्याकडून चौकार आणि षटकार पाहण्यासाठी चाहते उत्सुक आहेत. सूर्याने आपल्या टी20 आंतरराष्ट्रीय कारकिर्दीत आतापर्यंत 74 सामन्यांत 2544 धावा केल्या आहेत. या फॉरमॅटमध्ये त्याच्या नावावर 4 शतके आहेत.

हेही वाचा-

700 टेस्ट विकेट्स घेणारा दिग्गज पहिल्यांदाच आयपीएलच्या रिंगणात, मुळ किंमत जाणून व्हाल थक्क!
आयपीएल मेगा लिलावात 409 परदेशी खेळाडू सहभागी, या 2 देशांतील सर्वाधिक!
IPL 2025 Mega Auction: या भारतीय खेळाडूंची मूळ किंमत 2 कोटी रुपये, पाहा संपूर्ण यादी