Deepika Padukone Shares Instagram Story : बॉलिवूडची सुपरस्टार अभिनेत्री दीपिका पदुकोण हिने दोन महिन्यांपूर्वीं गोंडस परीला जन्म दिला. चिमुकलीच्या आगमनानंतर दीपिका मातृत्वाचा आनंद घेत, मुलीच्या संगोपनासाठी वेळ देत आहे. सध्या दीपिकाने इंडस्ट्रीतून ब्रेक घेतला असून ती तिचा सर्व वेळी मुलीसाठी देत आहे. अलिकडेच दीपिका पदुकोण आणि रणवीर सिंह यांनी मुलीच्या नावाची घोषणा केली. दीपिका आणि रणवीरने त्यांच्या चिमुकल्या परीचं नाव 'दुआ' ठेवलं आहे. दीपिका पदुकोणने हिने आई झाल्यानंतरची स्ट्रगल स्टोरी इंस्टाग्रामवर शेअर केली असून याकडे सर्वांचं लक्ष वेधलं गेलं आहे.
दीपिका सध्या प्रोफेशनपासून दूर असली तरी ती तिच्या सोशल मीडियावर चाहत्यांशी सतत जोडलेली राहण्याचा प्रयत्न करते. दीपिका सोशल मीडियावर चांगलीच सक्रिय असते. दीपिका तिच्याबद्दल आणि बाळाबद्दलचे अपडेट्सही चाहत्यांसोबत शेअर करत असते. काही दिवसांपूर्वी दीपिकाने मुलीच्या पायांचा फोटो शेअर करत तिच्या नामकरणाची घोषणा केली होती. दीपिकाने आता इंस्टाग्रामवर एक स्टोरी शेअर केली आहे, ज्यामध्ये तिने आई झाल्यानंतर तिची अवस्था कशी झाली आहे, याबद्दल सांगितलं आहे.
अलीकडेच दीपिका पदुकोणने एक इंस्टा स्टोरी पोस्ट केली आहे, ज्यामध्ये तिने सांगितलंय की, आई झाल्यानंतर तिची स्थिती कशी आहे आणि तिला कोणत्या संघर्षांना सामोरे जावं लागतंय? दीपिकाने सांगितलं आहे की, आजकाल तिच्यासाठी खाणं आणि आंघोळ करणं सोपं राहिलेलं नाही. दीपिका पदुकोणने तिच्या इन्स्टाग्राम स्टोरीवर एका चिमुकलीचा व्हिडीओ शेअर केला आहे, जो तिच्या स्वत:च्या मुलीचा नसून दुसऱ्या पेजवर शेअर करण्यात आलेला आहे. हा व्हिडीओ तिने रिशेअर केला आहे.
दीपिकाने शेअर केलेल्या व्हिडीओच्या कॅप्शनमध्ये लिहिलं आहे, 'मी इथे स्वत:ला जाग ठेवत आहे, कारण जर मी झोपली तर... माझी आई अंघोळ करेल, जेवेल, घर स्वच्छ करेल, मला आणखी उबदार कुरवाळणार नाही.' दीपिकाने तिच्या इंस्टास्टोरीवर हा व्हिडी शेअर करताना 'हे खरं आहे' असं कॅप्शनही दिलं आहे. दीपिकानेही आई झाल्यानंतर तिच्या भावना व्यक्त केल्या असून, व्हिडीओमध्ये व्यक्त केलेल्या भावनांप्रमाणेच तिची अवस्थाही असल्याचं सांगितलं आहे. 
यावरुन आता मुलीच्या जन्मानंतर, दीपिका पदुकोण तिची सर्व झोप गमावल्याचं दिसत असून ती तिच्या लहान मुलीची काळजी घेण्यात पूर्णपणे व्यस्त असल्याचं स्पष्ट होत आहे. दीपिकाने गणेशोत्सावात चिमुकलीला जन्म दिला. त्यानंतर ती मुलीच्या संगोपनासाठी तिचा पूर्ण वेळ देत आहे, यासाठी तिने काही बड्या ऑफर्सही नाकारल्या आहेत.
View this post on Instagram
