ஒரு பக்கம் இயக்கத்தில் தீவிரமாக களமிறங்கியிருக்கும் தனுஷ் இன்னொரு பக்கம் பல்வேறு வித்தியாசமான கதைக்களங்களில் நடித்தும் வருகிறார். கடந்த ஆண்டு தனுஷ் நடிப்பில் வெளியான கேப்டம் மில்லர் திரைப்படம் தனுஷூக்கு எதிர்பார்த்த வெற்றியை கொடுக்கவில்லை. அதேபோல் இந்த ஆண்டு வெளியான ராயன் திரைப்படமும் கலவையான விமர்சனங்களையே பெற்றது. தனுஷ் ரசிகர்கள் அடுத்து மிக ஆர்வமாக எதிர்பார்த்து காத்திருக்கும் படம் குபேரா. தெலுங்கு இயக்குநர் சேகர் கம்முலா இயக்கத்தில் தனுஷ் , ராஷ்மிகா மந்தனா மற்றும் நாகர்ஜூனா உள்ளிட்டவர்கள் இப்படத்தில் நடித்து வருகிறார்கள். தமிழ் மற்றும் தெலுங்கு ஆகிய இரு மொழிகளில் இப்படம் உருவாகியுள்ளது. தேவிஶ்ரீ பிரசாத் படத்திற்கு இசையமைக்கிறார்.
குபேரா படத்தின் ஃபர்ஸ்ட் லுக் கடந்த மார்ச் மாதம் வெளியாகியது. பரட்டைத்தலையும் படத்தின் டைட்டிலுக்கு நேர் மாறான தோற்றத்தில் இந்த போஸ்டரில் காணப்பட்டார். குபேரா படத்தின் கதை குறித்த எதிர்பார்ப்பு அனைவரிடமும் இருந்து வருகிறது. இப்படியான நிலையில் இன்று குபேரா படத்தின் க்ளிம்ப்ஸ் வீடியோவை படக்குழு வெளியிட்டுள்ளது
A blend of action, drama, and cinematography!
— Mahesh Babu (@urstrulyMahesh) November 15, 2024
All the very best…🙂#KuberaGlimpse https://t.co/TwLo74arko @dhanushkraja @iamnagarjuna @iamRashmika @sekharkammula @ThisIsDSP@AsianSuniel #Puskurrammohan @SVCLLP @amigoscreation @KuberaTheMovie
