मुंबई : शेअर बाजारात सध्या विक्रीचा सपाटा असल्याने मोठी घसरण सुरू आहे. परंतू अशा परिस्थितीतही काही पेनी शेअर्समध्ये मोठी वाढ दिसून येत आहे. असाच एक पेनी शेअर स्टँडर्ड कॅपिटल मार्केट्सचा आहे. शेवटच्या व्यवहाराच्या दिवशी या पेनी शेअरमध्ये मोठी वाढ झाली. गेल्या गुरुवारी हा शेअर सुमारे 10 टक्क्यांच्या उसळीसह 1.11 रुपयांवर पोहोचला. शुक्रवारी सुट्टीमुळे शेअर बाजारात कोणतेही व्यवहार झाले नाहीत. त्याचबरोबर शनिवार आणि रविवार ही साप्ताहिक सुटी आहे. त्यामुळे आता सोमवारी या शेअरवर लक्ष ठेवले जाईल. माहितीसाठी फेब्रुवारी 2024 रोजी शेअरची किंमत 3.52 रुपये होती. तसेच, शेअरचा 52 आठवड्यांचा नीचांक 0.97 पैसे आहे. ही किंमत गेल्या वर्षी ऑक्टोबर महिन्यात होती. स्टँडर्ड कॅपिटल मार्केट्स लिमिटेड, या एनबीएफसी क्षेत्रातील स्मॉल-कॅप कंपनीने एका वर्षाच्या कालावधीत 484 टक्क्यांचा मल्टीबॅगर परतावा दिला आहे. स्टँडर्ड कॅपिटल मार्केट्सचे तिमाही निकालअलीकडेच Standard Capital Markets ने सप्टेंबर तिमाहीत 0.51 कोटी रुपयांचा निव्वळ तोटा जाहीर केला होता. गेल्या वर्षी याच कालावधीत हे प्रमाण 2.31 कोटी रुपये होते. तेव्हा कंपनी नफ्यात होती. विक्रीबद्दल बोलायचे झाले तर ते 71.33% ने वाढून 9.68 कोटी रुपये झाले. गेल्या वर्षीच्या याच तिमाहीत तो 5.65 कोटी रुपये होता. कंपनीची बैठक झालीस्टँडर्ड कॅपिटल मार्केट्सच्या संचालक मंडळाची नुकतीच बैठक झाली. 12 नोव्हेंबर 2024 रोजी झालेल्या या बैठकीत 6000 अनरेटेड, असूचीबद्ध सुरक्षित अपरिवर्तनीय रोखे (NCDs) वाटप करण्यास मान्यता देण्यात आली. तत्पूर्वी, 30 ऑक्टोबर रोजी झालेल्या बैठकीत, कंपनीच्या संचालक मंडळाने प्रत्येकी 1,00,000 रुपयांच्या दर्शनी मूल्याचे 7,000 अनरेट केलेले, असूचीबद्ध, सुरक्षित अपरिवर्तनीय रोखे वाटप करण्यास मान्यता दिली.स्टँडर्ड कॅपिटलने सप्टेंबरमध्ये ग्रीन एनर्जी फंडिंगचा विस्तारही केला आहे. या अंतर्गत, भारतात अक्षय ऊर्जा प्रकल्प आणि इलेक्ट्रिक वाहन (EV) मोबिलिटी सोल्यूशन्सला समर्थन देण्याच्या उद्देशाने एक व्यापक निधी उपक्रम जाहीर करण्यात आला. हा उपक्रम कंपन्यांना ग्रीन एनर्जी सोल्यूशन्स लागू करण्यात मदत करण्यावर भर देईल.