Saroj Patil, कोल्हापूर : "शरद मोठा वटवृक्ष आहे. ही गर्दी पाहून मला वाटतं मुश्रीफ नक्की गाडला जाणार आहे. शरद पवार यांनी याला काय दिल नाही ते सांगा. खा खा खायचं आणि चौकशी लागली पक्ष फोडून पळून जायचं. आमचे जयंतराव पळून गेले का बघा? गद्दार लोकांना मतं दिली तर लोकशाही मेली असं समजा आणि दुसरा ट्रम्प आला म्हणून समजा", असं म्हणत सरोज पाटील यांनी मंत्री हसन मुश्रीफांवर जोरदार हल्ला केला. त्या कोल्हापुरातील कागलमध्ये समरजीत घाटगे यांच्या प्रचारार्थ बोलत होत्या.
सरोज पाटील म्हणाल्या, तुमची मुलं त्या भिड्याच्या नादाला लागली आहेत का बघा. त्या गटार गंगेत आपल्या मुलांना जाऊ देऊ नका. सगळा जाती द्वेष पसरवला जात आहे. शरद पवार यांना लहानपणापासून पाहिलं आहे. शाळेच्या प्रत्येक कार्यक्रमात ते अग्रभागी असायचा. आमचंच रक्त ज्यांच्यात आहे तो आमच्याच घरातील गडी ईडीच्या कारवाईला घाबरून तिकडं गेलाय. शरदने अजितला लहानाचा मोठा केला तो अजित या वयात शरदला सोडून पळून गेला. म्हाताऱ्या आई वडिलांना सोडून गेल्यासारखं दुःख झालं. माझ्या भावाच्या अंगात धाडस आहे, या वयात पक्ष आणि चिन्ह काढून घेतलं.
इतर महत्त्वाच्या बातम्या
