Mooli Paratha Recipe: बहुतांश भारतीय घरात नाश्त्यासाठी हिरवी, लाल चटणी आणि दह्यासोबत गरमागरम पराठे खाल्ले जातात. ज्यामध्ये बटाट्याचे पराठे, कोबीचे पराठे, मिश्र भाजीचे पराठे तसेच वाटाणा पराठे अशा विविध प्रकारचे पराठे बनवून खाण्यात येतात. बटाटा आणि कोबीचे पराठे बनवून खाणे बहुतेक लोकांना आवडते, पण कधी तुम्ही मुळा पराठा बनवला आहे का? जर नसेल तर हिवाळ्यात त्याचा आस्वाद नक्कीच घ्या. हे चवदार असण्यासोबतच आरोग्यासाठीही फायदेशीर आहे. कारण या हंगामात सतत बिघडणारे पोट चांगले ठेवण्यासाठी हा पराठा तुम्हाला सहाय करू शकतो.

मुळा चवीला थोडा तूरट आणि तिखट लागत असल्यामुळे अनेकांना तो खायला आवडत नाही. पण जर तुम्ही मुळयापासून पराठा बनवला तर तो आवडीने खाल्ला जाऊ शकतो. मुळा पराठा बनविण्यासाठी जास्त मेहनत देखील करावी लागत नाही. (Healthy Breakfast Ideas in Winter)

थंडीत नाश्त्याला बनवा मुळा पराठा
मुळा पराठाची रेसिपी खूप सोपी आहे. तुम्हालाही हा पराठा घरी बनवून पाहायचा असेल तर त्याचे साहित्य आणि बनवण्याची पद्धत जाणून घ्या.

• बाजारातून ताजे 2 मध्यम आकाराचे मुळा आणा. ते नीट स्वच्छ धुवून घेऊन किसून घ्या.
• त्यांनंतर कणिक मळण्यासाठी पिठात तेल आणि मीठ घालून चांगले मिक्स करा. आता थोडे थोडे पाणी घालत कणिक मऊसूत मळून घ्या.
• आता आलं, हिरवी कोथिंबीर आणि हिरवी मिरची बारीक चिरून घ्या.
• दुसरीकडे किसून ठेवलेल्या मुळयाला भरपूर पाणी सुटलेले असेल. त्यामुळे हे पाणी हाताने दाबून नीट निथळून घ्या. जेणेकरून पराठा बनवताना ते फुटणार नाही.
• किसलेल्या मुळयाचे पाणी चांगले निथळून घेतल्यानंतर त्यात हिरवी मिरची, कोथिंबीर, आले, भाजलेले जिरेपूड, तिखट घालून मिक्स करा. आणि त्यात मीठ टाका.
• तुम्हाला हवे असल्यास तुम्ही मुळा भाजूनही त्याचे सारण तयार करू शकता. यामुळे पाणी देखील चांगले कोरडे होईल.
• यानंतर आता पिठाचे छोटे गोळे बनवा. हाताने गोल गोळा करून तयार मुळा भरून मधोमध ठेवा. नीट आणि हळू हळू लाटून गोल आकार द्या.
• त्यानंतर गॅसवर तवा गरम करायला ठेवा. तवा गरम झाल्यावर त्यात एक लाटलेला पराठा घालून दोन्ही बाजूने खरपूस भाजून घ्या. दरम्यान दोन्ही बाजूला तेल किंवा तूप लावायला विसरू नका.
• अशाप्रकारे मुळा पराठा तयार होतो, जो तुम्ही नाश्त्यात लाल चटणी, हिरवी चटणी, दही, लोणचे यासोबत गरमागरम खाऊ शकतात.