साऊथच्या सिनेसृष्टीतील सुपरस्टार अल्लू अर्जुनचा बहुप्रतिक्षित चित्रपट 'पुष्पा 2: द रुल' रिलीज होण्यापूर्वीच चर्चेचा विषय बनला आहे. 'पुष्पा' या पहिल्या भागाने ज्या प्रकारे प्रेक्षकांच्या मनात आपली जागा निर्माण केली, त्यानंतर 'पुष्पा 2' ची उत्सुकता एका वेगळ्या पातळीवर पोहोचली आहे. अल्लू अर्जुनच्या दमदार अभिनयासोबतच यामध्ये असलेले संगीत, ॲक्शन दृश्ये, संवाद आणि कथा या सर्व गोष्टींनी चाहत्यांमध्ये जबरदस्त अपेक्षा निर्माण केल्या आहेत.
instagram
रिलीजपूर्वीच कमाईचे विक्रम
पुष्पा 2 ने रिलीज होण्याआधीच कमाईचे अनेक विक्रम मोडले आहेत. यामध्ये विशेषतः सैटेलाइट हक्क, डिजिटल स्ट्रिमिंग राईट्स, म्युझिक राईट्स यामुळे निर्मात्यांच्या खात्यात कोट्यवधी रुपयांची रक्कम जमा झाली आहे. सुकुमार दिग्दर्शित ‘पुष्पा २’ या चित्रपटाचा भाग २ रिलीज होण्यापूर्वीच प्रचंड क्रेझ पाहायला मिळत आहे. या चित्रपटाने आपल्या थिएटरल आणि नॉन-थिएटरल राइट्सद्वारे 1085 कोटींची कमाई केली आहे.या चित्रपटाने आतापर्यंतचे सर्वाधिक प्री-रिलीज बिझनेस करणाऱ्या चित्रपटांमध्ये आपले स्थान निर्माण केले आहे. यामुळेच प्रेक्षक आणि बॉक्स ऑफिस या दोघांचीही उत्सुकता शिगेला पोहोचली आहे.
हेही वाचा :Aditya Roy Kapoor movies to watch on OTT:आदित्य रॉय कपूरचे OTT वर पाहण्याजोगे चित्रपट
आता लवकरच चित्रपटाचे प्री-बुकिंग सुरू होणार आहे. कमाईच्या आलेखाचे चित्रही स्पष्ट होईल. अल्लू अर्जुनचा चित्रपट पहिल्या आठवड्यात १०० कोटींची कमाई करण्यात यशस्वी ठरला, तर अशी कमाई करणारा हा पाचवा भारतीय चित्रपट ठरेल. फक्त भारतातच नाही तर आंतरराष्ट्रीय बाजारपेठेतही 'पुष्पा 2' ची जोरदार मागणी आहे. ॲडव्हान्स बुकिंगच्या संख्येने हा चित्रपट रिलीज होण्याआधीच इतिहास घडवण्याच्या मार्गावर आहे. खरं तर, आतापर्यंत भारतीय चित्रपटसृष्टीतील फक्त 4 चित्रपटांनी ओपनिंग वीकेंडमध्ये 100 कोटींहून अधिकची बुकिंग केली आहे. या यादीत पहिले नाव 'बाहुबली 2', त्यानंतर 'KGF चॅप्टर 2', तिसऱ्या स्थानावर 'RRR' आणि चौथ्या स्थानावर लिओचे नाव आहे.तर आता असा अंदाज लावला जात आहे की यामध्ये पाचव्या नंबर वर पुष्पा 2 नाव येऊ शकतं.
ओपनिंग वीकेंडची मोठी अपेक्षा
View this post on Instagram
'पुष्पा 2' च्या ओपनिंग वीकेंडबाबतही मोठ्या अपेक्षा आहेत. ट्रेड विश्लेषकांच्या मते, हा चित्रपट पहिल्या तीन दिवसांतच 300 कोटींपेक्षा जास्त कमाई करू शकतो. पहिल्या भागाने जे विक्रम प्रस्थापित केले होते, ते दुसऱ्या भागाने सहज मोडणार, अशी शक्यता आहे.
हेही वाचा :Pushpa 2 The Rule Trailer Out:अल्लू अर्जुनचा धमाका, 100% ब्लॉकबस्टर होण्याची 5 प्रमुख...
अल्लू अर्जुन हा नावीन्यपूर्ण शैली, आकर्षक लूक आणि प्रभावी अभिनयामुळे केवळ भारतातच नव्हे तर आंतरराष्ट्रीय स्तरावरही लोकप्रिय आहे. त्याच्या फॅन फॉलोइंगचा प्रभाव 'पुष्पा 2' च्या कमाईवर स्पष्ट दिसेल. चित्रपटाच्या प्रमोशनसाठी निर्मात्यांनी घेतलेली मेहनत, त्याचे भव्य ट्रेलर, गाण्यांची लोकप्रियता आणि संवाद यामुळेच चित्रपटाने प्रेक्षकांचे लक्ष वेधून घेतले आहे. 'पुष्पा 2: द रुल'हा चित्रपट एका यशस्वी सिनेमा उद्योगाच्या नव्या युगाचा संकेत आहे. या चित्रपटाने प्रेक्षकांच्या अपेक्षा कशा पूर्ण केल्या आणि बॉक्स ऑफिसवर काय कमाल केली, हे पाहणे औत्सुक्याचे ठरेल.
