बॉलिवूड अभिनेत्री सुष्मिता सेन केवळ एक उत्तम अभिनेत्रीच नाही तर एक चांगली आई देखील आहे. अभिनेत्रीचा आज वाढदिवस आहे आणि तिच्या 49 व्या वाढदिवसानिमित्त आम्ही तुम्हाला तिच्या आई बनण्याच्या अनोख्या प्रवासाची गोष्ट सांगणार आहोत.बॉलिवूड अभिनेत्री सुष्मिता सेन तिच्या अप्रतिम अभिनयासह तिच्या वैयक्तिक जीवनातील धाडसी निर्णयांमुळेही ओळखली जाते. मिस युनिव्हर्स 1994 च्या विजेतेपदाने भारताला आंतरराष्ट्रीय मंचावर गौरव मिळवून दिल्यानंतर सुष्मिताने केवळ मनोरंजन क्षेत्रातच नव्हे तर सामाजिक दृष्टिकोनातूनही स्वतःची स्वतंत्र ओळख निर्माण केली. आजही सिंगल आई म्हणून दोन मुलींना वाढवणाऱ्या सुष्मिता सेनच्या जीवनातील संघर्ष आणि तिच्या परोपकारी निर्णयांची चर्चा केली जाते.

instagram

एका वेबपोर्टला दिलेल्या मुलाखतीत सुष्मिताने सांगितलं होतं,जेव्हा तिने लग्नाशिवाय मुलगी दत्तक घेण्याचा निर्णय घेतला तेव्हा ती फक्त 21 वर्षांची होती. सुष्मिताने खुलासा केला होता की, तिच्या या निर्णयामुळे तिची आई तिच्यावर नाराज होती, मात्र तिच्या वडिलांनी तिला पूर्ण पाठिंबा दिला. सुष्मिता सेनने 2000 मध्ये अवघ्या 25 व्या वर्षी आपल्या मोठ्या मुलीला, रेनीला दत्तक घेतले. त्या काळात सिंगल महिलेसाठी दत्तक घेणे सोपे नव्हते. सामाजिक नियम आणि कायदेशीर अडथळ्यांमुळे तिला तब्बल 10 वर्षांची लांब न्यायालयीन लढाई लढावी लागली. त्यावेळी भारतातील कायद्यांनुसार सिंगल महिलांना मूल दत्तक घेण्यास परवानगी देण्यात येत नव्हती. मात्र, सुष्मिताने हार न मानता आपला निर्णय कायम ठेवला आणि अखेर कोर्टाने तिच्या बाजूने निकाल दिला. रेनीनंतर सुष्मिताने 2010 मध्ये आपल्या दुसऱ्या मुलीचे, अलीशाचे, दत्तक घेऊन आपल्या कुटुंबात स्वागत केले. रेनीच्या काळातील अनुभवाने सुष्मिताला अलीशाच्या दत्तक प्रक्रियेसाठी चांगली तयारी करता आली. समाजाने तिच्या निर्णयांचे कौतुक केले, आणि आज तिचे मातृत्व समाजातील महिलांसाठी एक प्रेरणा आहे.

दुसऱ्या मुलीसाठी 10 वर्षे कायदेशीर लढाई लढली

सुष्मिता सेनलाही तिची दुसरी मुलगी अलिसा दत्तक घेण्यासाठी दीर्घ कायदेशीर लढा द्यावा लागला. भारतीय कायदा सांगतो की, जर एखाद्याने पहिल्यांदा मुलगी दत्तक घेतली तर तो दुसऱ्यांदा मुलगी दत्तक घेऊ शकत नाही. तिला एक मुलगा दत्तक घ्यावा लागेल. पण सुष्मिता सेनला अलिसालाच दत्तक घ्यायचं होतं. अशा परिस्थितीत तिने वडिलांसोबत 10 वर्षे कायदेशीर लढाई लढली आणि जिंकली.

आर्थिक निर्णय आणि संपत्तीची विभागणी

सुष्मिताने आपल्या संपूर्ण संपत्तीचा हक्क आपल्या दोन्ही दत्तक मुलींना दिला आहे. तिच्या मते, "मुलींना सक्षम बनवणे आणि त्यांना समान अधिकार देणे हेच खरी माता म्हणून आपले कर्तव्य आहे." तिच्या या विचारसरणीने महिला सबलीकरणाचा संदेश दिला आहे. सुष्मिताने मातृत्व हे केवळ जैविक नाते नसून प्रेम, समर्पण, आणि जबाबदारीचे प्रतीक आहे हे सिद्ध केले आहे. तिने आपल्या मुलींना उत्तम शिक्षण, मूल्ये, आणि स्वातंत्र्य दिले आहे. रेनीने स्वतः सांगितले आहे की, "आईने मला माझे स्वप्न पाहण्याची आणि ती पूर्ण करण्याची ताकद दिली.

हेही वाचा :Khushi Kapoor : खुशी कपूरच्या बीच व्हेकेशन पार्टीत मुलांना नो एन्ट्री

सुष्मिताचा हा निर्णय आज अनेक महिलांसाठी मार्गदर्शक ठरतो. एकट्या महिलाही कुटुंब निर्माण करू शकतात, समाजाचे बंधन तोडून स्वतःचे स्वप्न जगू शकतात, याचा आदर्श तिने जगासमोर ठेवला आहे. सुष्मिता सेनने केवळ अभिनय क्षेत्रातच नाही, तर आपल्या व्यक्तिगत जीवनातही धाडसी निर्णय घेऊन समाजाला नवीन दृष्टिकोन दिला आहे. तिच्या आयुष्यातील संघर्ष आणि समर्पणामुळे ती आजही लाखो लोकांसाठी प्रेरणास्थान आहे. सिंगल आई म्हणून तिने जे आव्हानात्मक निर्णय घेतले, ते एक समृद्ध आणि समर्थ भारतासाठी एक महत्त्वपूर्ण पाऊल आहे.