India Women vs West Indies Women 1st ODI: रविवारी भारतीय महिला संघ आणि वेस्ट इंडीज महिला संघात वनडे मालिकेला सुरुवात झाली असून पहिला सामना वडोदरा येथे झाला. पहिल्याच सामन्यात भारतीय संघाने दणक्यात विजय मिळवला. भारताने या सामन्यात २११ धावांनी विजय मिळवत मालिकेत १-० अशी आघाडी घेतली आहे.

या सामन्यात भारताने वेस्ट इंडीजसमोर ३१५ धावांचे लक्ष्य ठेवले. या लक्ष्याचा पाठलाग करताना वेस्ट इंडिजला २६.२ षटकात सर्वबाद १०३ धावा केल्या आहेत. भारताच्या या विजयात स्मृती मानधना आणि रेणुका सिंग ठाकूरने मोलाचा वाटा उचलला.

वेस्ट इंडिकडून ३१५ धावांच्या लक्ष्याचा पाठलाग करताना कर्णधार हेली मॅथ्युज आणि कियाना जोसेफ यांनी डावाची सुरुवात केली. पण या दोघीही शुन्यावर बाद झाले. कियाना पहिल्याच चेंडूवर धावबाद झाली, तर मॅथ्युजला तिसऱ्याच षटकात रेणुका ठाकूरने बाद केले.

रणूकाने डिएंड्रा डॉटीनलाही ८ धावांवर त्रिफळाचीत केले, कर रक्षदा विल्यम्सला १६ चेंडूत ३ धावांवर तितास साधूने त्रिफळाचीत केले.पाठोपाठ आलियाह एलियेन १३ धावांवर बाद धाली. तर शेमिन कॅम्पबेल २१ धावांवर बाद झाली. त्यांनाही रेणुकानेच बाद केले.