இந்தியாவின் முன்னாள் பிரதமர் மன்மோகன் சிங். இவர் கடந்த 2004 முதல் 2009 ஆம் ஆண்டு வரையிலும் 2009 முதல் 2014 வரையிலும் இந்தியாவின் பிரதமராக இருந்துள்ளார்.

இவருக்கு தற்போது 92 வயது ஆகிறது. இந்நிலையில் மன்மோகன் சிங்குக்கு திடீரென நேற்று உடல் நலக்குறைவு ஏற்பட்டுள்ளது. இதன் காரணமாக டெல்லியில் உள்ள எய்ம்ஸ் மருத்துவமனையில் அவர் சிகிச்சைக்காக அனுமதிக்கப்பட்டார். ஆனால் மூச்சு திணறல் உள்ளிட்ட பிரச்சினைகளால் அவர் இறந்துவிட்டார். அவருடைய மறைவுக்கு அரசியல் கட்சி தலைவர்கள் பலரும் இரங்கல் தெரிவித்து வருகிறார்கள். இந்நிலையில் மன்மோகன் சிங் இறுதிச் சடங்கு நாளை நடைபெறும் என்று காங்கிரஸ் பொதுச்செயலாளர் கே.சி வேணுகோபால் தெரிவித்துள்ளார். மேலும் ஒரு அரசு மரியாதையுடன் இறுதி சடங்கு நடைபெறும் என்று மத்திய அரசு அறிவித்துள்ளது என்பது குறிப்பிடத்தக்கது.