Woman Dancing In Mumbai Local Video : सोशल मीडियावर रोज वेगवेगळे व्हिडिओ व्हायरल होत असतात. या व्हिडिओमध्ये डान्सच्या व्हिडिओची संख्या जास्त असते. लहान मुलांपासून वयस्कर व्यक्तींपर्यंत सगळ्या वयोगटातले लोक आजकाल डान्सचे व्हिडिओ सोशल मीडियावर शेअर करत असतात. काही लोक तर सार्वजनिक ठिकाणीही बिनधास्त डान्स करुन त्याचे व्हिडिओ इन्स्टाग्रामवर शेअर करत असतात.

गेल्या काही महिन्यांपासून 'तौबा तौबा', 'गुलाबी साडी', 'अंगारो', 'पीलिंग्स' आणि 'आज की रात' ही गाणी ट्रेंडिंगमध्ये आहेत. लाखो लोकांनी या गाण्यांवर डान्स करुन रील्स तयार केल्या आहेत. पण सध्या एका महिलेच्या डान्सचा व्हिडिओ नेटकऱ्यांसाठी चर्चेचा विषय बनला आहे. एका महिलेने चक्क मुंबई लोकलमध्ये एका आगरी - कोळी गाण्यावर डान्स केला आहे. या महिलेच्या डान्सचा व्हिडिओ सोशल मीडियावर व्हायरल झाला आहे.

व्हायरल व्हिडिओमध्ये एक महिला मुंबई लोकलमध्ये (Mumbai Local News) 'बाया बांगुऱ्या मागतान रं' या गाण्यावर डान्स करत आहे. डान्स करताना या महिलेला तिच्या मैत्रिणीही साथ देत असल्याचं दिसत आहे. मुंबई लोकलमध्ये ही महिला साडीवर ट्रॅडिशनल दागिने घालून सुंदर डान्स करत आहे. या महिलेचे हावभाव आणि परफेक्ट डान्स स्टेप्स पाहून नेटकरी तिच्यावर फिदा झाले आहेत. (Aagri Koli Dance)

इन्स्टाग्रामवर हा व्हिडिओ @sawantvibhuti911 या अकाउंटवरुन शेअर करण्यात आला आहे. या व्हिडिओला 1.2 मिलियनपेक्षा जास्त व्ह्यूज मिळाले आहेत. 'Done because it's trending' असं कॅप्शन देत हा व्हिडिओ शेअर करण्यात आला आहे.

एका नेटकऱ्याने लिहिलं की,' खूप छान. पण लास्टमध्ये ती मुलगी रागाने का बघत आहे ? एवढा छान डान्स असतानाही असं का हे समजलं नाही.' आणखी एका नेटकऱ्याने लिहिलं की, ' खुप छान व्हिडिओ, आयुष्यभर धावपळ करताना असा थोडा विरंगुळा हवाच'. तिसऱ्या एका नेटकऱ्याने लिहिलं की, 'कपाळी चंद्रकोर, नथ आहे नाकी. गळी शोभते सोनेरी सर अन् नाजुकशी ठुशी. नाकी डोळी रेखीव जणू घडवली मूर्ती, साडीतच शोभते खरी मराठी मुलगी'. तर दुसऱ्या एका युजरने, 'अप्रतिम सादरीकरण खूपच मस्त', अशी कमेंट केली आहे. नेटकऱ्यांनी या डान्स व्हिडिओवर लाइक्स आणि कमेंट्सचा वर्षाव केला आहे. मुंबई लोकलमध्ये उत्साहात डान्स करणाऱ्या या महिलेचं खूप कौतुक होत आहे.