இந்திய ரிசர்வ் வங்கியின் புதிய விதிகள் வங்கித் துறையில் டிஜிட்டல் மயமாக்கல் மற்றும் நவீனமயமாக்கலுக்கு பல முயற்சிகளை எடுத்து வருகிறது. மேலும் தொடர்ந்து பல ஆண்டுகளாக குழப்பத்தில் இருந்த வங்கிக் கணக்குகள் தொடர்பாகவும் இம்முன்றை வங்கி பல முக்கிய முடிவுகளை எடுத்துள்ளதாக கூறப்படுகிறது.அதன்படி 2025 முதல் 3 வகையான வங்கிக் கணக்குகள் மூடக்கப்படும் என இந்திய ரிசர்வ் வங்கி தரப்பில் முடிவெடுத்துள்ளதாக தகவல்கள் வெளியாகி உள்ளது. இனி அந்த மூன்று வகையான கணக்குகளைப் பற்றிப் பார்க்கலாம். 1. செயலற்ற வங்கி கணக்கு (Dormant Account)நீண்ட காலமாக எந்தப் பரிவர்த்தனையும் செய்யப்படாத வங்கிக் கணக்குகள் மற்றும் 2 ஆண்டுகளாக வங்கிக் கணக்கில் எந்தப் பரிவர்த்தனையும் இல்லை என்றால் அந்தக் கணக்கு செயலற்ற வங்கி கணக்கு எனப்படும். இந்த வகை வங்கிக் கணக்குகள் மூடப்படும். 2. இன்ஆக்டிவ் வங்கி கணக்கு (Inactive Account)ஒரு குறிப்பிட்ட காலத்திற்கு எந்த நடவடிக்கையும் செய்யப்படாத வங்கிக் கணக்குகளின் பிரிவில் செயலற்ற கணக்குகள் அடங்கும். இந்த வகை வங்கிக் கணக்குகளும் ஜனவரி 1 முதல் மூடப்படும் என எதிர்பார்க்கப்படுகிறது. 3. ஜீரோ பேலன்ஸ் அக்கவுண்ட் (Zero Balance Account)ஜீரோ பேலன்ஸ் வங்கிக் கணக்கு என்பது, நீண்ட காலமாக எந்தத் தொகையும் டெபாசிட் செய்யப்படாமல் இருப்பதோடு, அந்த வங்கிக் கணக்கில் இருப்பு பூஜ்ஜியமாக இருக்கும் கணக்கு. இந்த வகை கணக்கில் எவ்வித பரிவர்த்தனையும் இல்லையென்றால் கணக்கு முடக்கப்படும். இல்லையெனில் அவற்றிக்கு குறைந்தபட்ச இருப்பத்தொகை கட்டணங்கள் விதிக்கப்படலாம். RBI புதிய விதிகளின் நோக்கம் என்ன? 1. மோசடி குறையும்: செயலற்ற கணக்குகளை மூடுவதன் மூலம், மோசடி மற்றும் அதன் தவறான பயன்பாடு தொடர்பான அபாயங்கள் குறைக்கப்படும். 2. வங்கி செயல்திறன் மேம்படும்: செயல்படாத கணக்குகளை மூடுவதன் மூலம் வங்கிகள் தங்கள் மேலாண்மையை மேம்படுத்திக்கொள்ளும். 3. டிஜிட்டல் வங்கி ஊக்குவிக்கவும்: புதிய விதியின் மூலம் வாடிக்கையாளர்கள் நோ யுவர் கஸ்டமர் (KYC) அப்டேட் செய்ய இணைய வங்கிச் சேவையின் பயன்பாடு அதிகரிக்கும். 4. KYC அப்டேட் செய்யப்படும்: புதிய விதிகள் வாடிக்கையாளர்களின் KYC (உங்கள் வாடிக்கையாளரை அறிந்து கொள்ளுங்கள்) விவரங்களைத் தொடர்ந்து அப்டேட் செய்ய உதவும். வங்கிக் கணக்குகள் தொடர்ந்து செயல்பட என்ன செய்ய வேண்டும்?1. KYC விவரங்கள் புதுப்பிக்கப்பட வேண்டும்.2. வங்கிக் கணக்கை செயலில் வைத்திருக்க வழக்கமான பரிவர்த்தனைகள் செய்யப்பட வேண்டும்.3. ஜீரோ பேலன்ஸ் கணக்கு வைத்திருப்பவர்கள் குறைந்தபட்ச தொகையை பராமரிக்க வேண்டும்.4. வங்கிக்கு நேரடியா செல்ல வேண்டிய அவசியம் இல்லை. நீங்கள் டிஜிட்டல் பேங்கிங்கை பயன்படுத்துங்கள்.