नवीन वर्षाला सुरुवात झाली आहे. नव वर्ष सुरु होत तसे पहिला सण येतो तो म्हणजे मकर संक्रांत. मकर संक्रांत हा हिंदू धर्मातील प्रमुख सणांमध्ये मानला जाणारा सण आहे. जेव्हा सूर्य धनु राशीतून मकर राशीत प्रवेश करतो तेव्हा मकर संक्रांती साजरी केली जाते. मकर संक्रांतीच्या दिवशी पवित्र नद्यांमध्ये स्नान आणि दान करणे अत्यंत शुभ मानले जाते. मकर संक्रांतीच्या दिवशी तीळ दान करणे आणि खिचडी खाल्ल्याने भगवान विष्णूचा विशेष आशीर्वाद प्राप्त होतो, अशी मान्यता आहे.
Makar Sankranti Rangoli 2025 : मकर संक्रांतीला काढा या सुंदर, आकर्षक रांगोळ्या
istock
यावर्षी मंगळवार, १४ जानेवारी रोजी भगवान सूर्य रात्री ९.०३ वाजता मकर राशीत प्रवेश करणार आहे. अशा परिस्थितीत १४ जानेवारीला मकर संक्रांत साजरी होणार आहे. यादिवशी तिळाचे लाडू बनवण्याचीही परंपरा आहे. महत्त्वाचे म्हणजे यादिवशी भगवान सूर्याला तिळाचे लाडू तयार करुन ते अर्पण केले जातात. अशा परिस्थितीत मकर संक्रांतीला तिळाचे लाडू का बनवले जातात आणि का खाल्ले जातात हे जाणून घेणार आहोत.
हेही वाचा : Makar Sankranti 2025 : मकर संक्रांतीच्या दिवशी करु नका 'या' १० गोष्टी
istock
पौराणिक कथेनुसार, एकदा भगवान सूर्य आपला मुलगा शनि देवावर खूप कोपले. रागाच्या भरात त्यांने आपल्या शक्तीने शनिदेवाचे घर जाळले. त्यानंतर शनिदेवाने वडिलांची माफी मागितली. तेव्हा भगवान सूर्याचा राग शांता झाला. यानंतर भगवान सूर्याने शनिदेवाला सांगितले की जेव्हाही ते मकर राशीत प्रवेश करतील तेव्हा ते घर धन आणि सुखाने भरुन जाईल. मकर राशीला शनिदेवाचे दुसरे घर मानले जाते. यानंतर भगवान सूर्य जेव्हा शनिदेवाच्या मकर राशीत आले तेव्हा पुत्राने आपल्या वडिलांची तीळ आणि गूळ यांनी पूजा केली. शनिदेवानेही वडिलांना तीळ आणि गूळ खाण्यासाठी दिले.
istock
शनिदेवाने हे केले कारण कुंभ राशीचे घर भगवान सूर्याने जाळून टाकल्यानंतर त्यांच्याकडे काही शिल्लक नव्हते. शनिदेवाने तीळ आणि गुळाचे दान दिल्याने भगवान सूर्य खूप प्रसन्न झाले. यानंतर, ते म्हणाले की जो कोणी मकर संक्रांतीच्या दिवशी तिळ आणि गुळाने त्यांची पूजा करेल त्याला शनिदेव आणि इतरांचा आशीर्वाद मिळेल. त्यामुळे मकर संक्रांतीला तिळाचे लाडू बनवून खाण्याची परंपरा आहे.
हेही वाचा : लग्नानंतर मुलांमध्ये आपोआप दिसू लागतात 'हे' बदल
istock
