அந்த வகையில் மேம்பாலங்கள், ரெயில் நிலையங்கள், புதிய விமான நிலையங்கள் என நாடெங்கும் கட்டப்பட்டு வருகிறது.

உள்கட்டமைப்புக்கு முக்கியத்துவம் கொடுக்கப்படுவதின் மூலம் நாட்டின் சுற்றுலாத் துறை வேகமாக வளர்ச்சி அடைந்து வருகிறது.

அதன் ஒரு பகுதியாக ஜம்மு காஷ்மீர் மாநிலத்தில் காஷ்மீரையும் லடாக்கையும் இணைக்கும் வகையில் இசட் வடிவ சுரங்கப்பாதை கட்டிமுடிக்கப்பட்டுள்ளது.

ஸ்ரீநகர் தேசிய நெடுஞ் சாலையில் ரூ.2700 கோடி செலவில் 6.5 கி.மீ. நீளத்திற்கு இசட் வடிவ சுரங்கப்பாதை கட்டப்பட்டுள்ளது.

கடல் மட்டத்திலிருந்து 8,650 அடி உயரத்தில் இந்தச் சுரங்கபாதை அமைக்கப்பட்டுள்ளது.

சோன்மாா்க் சுரங்கப் பாதை செயல்பாட்டுக்கு வரும் சூழலில், ஸ்ரீநகா்-லே இடையே அனைத்து பருவ நிலைகளிலும் போக்குவரத்து இணைப்பு துண்டிக் கப்படாமல் இருக்கும்.

‘ஜீ-மோா்க் சுரங்கப்பாதை திறக்கப்பட்டால், சோன் மாா்கிற்கு ஆண்டு முழு வதும் சுற்றுலாப் பயணிகள் வருகை தரலாம். சோன் மாா்க் ஒரு சிறந்த பனிச்சறுக்கு விளையாட்டு மையமாக மேம்படும்.

குளிர் காலத்தில் ஊரை விட்டு வெளியேற வேண்டிய அவசியம் சோன்மாா்க் மக்களுக்கு இருக்காது. மேலும், ஸ்ரீநகரிலிருந்து காா்கில் மற்றும் லே வரையிலான பயணநேரம் குறையும்.

தற்போது கட்டிமுடிக்கப்பட்டுள்ள இச்சுரங்கப்பாதை சுற்றுலாப் பயணிகளின் வரப்பிரசாதமாக அமைந்துள்ளது.

6.5 கி.மீ. நிளத்திற்கு கட்டப்பட்டுள்ள சுரங்கப் பாதை இருவழிப் பாதையாகத் தலா 7.5 மீட்டர் அகலம் கொண்ட சிக்சாக் (வளைவுகள் அதிகம் கொண்ட) வடிவில் கட்டப்பட்டுள்ளது.

இச்சாலையில்பயணம் செய்தால் 15 நிமிடத்தில் அடுத்தப் பகுதியை அடைந்து விடலாம்.

அதிகபட்சமாக மணிக்கு 80 கி.மீ. வேகத்தில் ஒரு மணி நேரத்திற்கு 1,000 வாகனங்கள் செல்லும் வகையில் இந்தச் சுரங்கப்பாதை வடிவமைக்கப்பட்டுள்ளது.

உடையக்கூடிய இமயமலைப் புவியியலைக் கருத்தில் கொண்டு என்.ஏ.டி.எம். சுரங்கப்பாதை முறையைப் பயன்படுத்தி சுரங்கப்பாதை கட்டப்பட்டுள்ளது.

காஷ்மீர் மாநிலம் சந்தர் பால் பகுதியில் அமைந்துள்ள இச்சுரங்கப் பாதையை நாளை (திங்கட்கிழமை) பிரதமர் மோடி திறந்து வைத்து நாட்டுக்கு அர்ப்பணிக்கிறார்.

இந்தப் பொறியியல் சாதனைக்காகக் கடுமையான பருவநிலைகளை பொருட்படுத்தாமல் அயராது பணியாற்றிய கட்டுமான தொழிலாளா்களையும் பிரதமா் மோடி சந்தித்து, கலந்துரையாடுகிறார்.

இந்தச் சுரங்கப்பாதையின் அருகில் 10 மீட்டர் அகலத்தில் 7.5 மீட்டர் அகலம் கொண்ட மற்றொரு சுரங்க பாதையும் அமைக்கப்பட்டுள்ளது. மெயின் சுரங்க பாதைக்கு இணையாக இந்தச் சுரங்க பாதை செல்கி றது.

அவசர காலத்தில் இதனைப் பயன்படுத்தும் வசதியாக அமைக்கப் பட்டுள்ளது. மேலும் ரெயில்வே சுரங்கப்பாதை யாகவும் இதனைப் பயன்படுத்தும் அளவுக்கு ஏற்பாடு செய்யப்பட்டுள்ளது.

இந்தச் சுரங்க பாதையால் பாதுகாப்பு தளவாடங்களை அதிகரிப்பதோடு ஜம்மு-காஷ்மீா் மற்றும் லடாக்கில் பொருளாதார வளா்ச்சி மற்றும் சமூக -கலாசார ஒருங்கிணைப்பு மேம்படும்.